Euskara egunerako ideia lehiaketa antolatu dute
2017-09-26 11:32 Euskara Azkoitia
Euskararen egunerako, abenduak 3, egitaraua berritzeko balio dezaketen ideiak saritu nahi ditu euskara mahaiak. Horretarako, aurten lehendabiziko aldiz, ideia lehiaketa bat abiatu dute herritarren proposamenak jasotzeko. Lehiaketa gaztetxontzat antolatu da, eta, beraz, Azkoitiko ikastetxeetan egun DBHn, batxilergoan eta lanbide heziketan matrikulatutako ikasleek parte hartu ahal izango dute. Parte hartzaile bakoitzak gehienez hiru ideia aurkez ditzake.
Euskara ikasteagatik diru laguntzak eskatzeko azken eguna irailak 29 da
2017-09-22 12:48 Euskara Azkoitia
Euskara ikasteagatik Udalak ematen dituen diru laguntzak eskatzeko azken eguna irailaren 29a dela gogorarazten du Euskara sailak. 2016-17 ikasturtean ikastaroak gainditzeagatik matrikularen %75a jaso dezake eskatzaileak, gehienezko kopurua 350 eurokoa delarik.
Kilometroak 2017ra joateko autobusa egongo da
2017-09-19 11:08 Euskara AzkoitiaOñatin ospatuko dute aurten Gipuzkoako ikastolen aldeko festa, eta Azkoititik joan nahi dutenek Loiola Bidaiak agentziak jarriko duen autobusean joateko aukera izango dute. Ibai Ondo kaleko 9. zenbakiko bulegoan eman behar da autobuserako izena, 8 euroren truke. Irailaren 24an, 09:20an eta 11:30ean irtengo da autobusa, Julio Urkixo kaleko autobus geltokitik; Oñatin, berriz, 18:00etan eta 20:15ean izango da itzulerako ordua.
Mintzalagun ere abian
2017-09-16 18:24
Euskara
Mintzalagunen izena emateko epea ere zabalik da! Euskalduna bazara, euskaraz ikasten ari direnen bidelagun izateko parada eta euskaraz ikasten ari bazara berriz, praktikatu eta euskaraz bizitzeko aukera ezinhobea!
Bulegoa kalean
2017-09-15 10:11
Euskara
Atzo, pintxo-potea zela aprobetxatuz, AEKidok bulegoa kalera atera genuen. Jendeari gogorarazi nahi izan genion matrikulazio kanpainan buru-belarri sartuta gaudela eta, bide batez, gure eskaintzaren berri eman genuen.
Euskara irakasteko modu afektiboa
2017-09-13 10:38
Euskara
Gogotsu hasi dute matrikulazio kanpaina Azkoitiko AEK-koek. Euskara ikasi edota hobetu nahi duen orok, erabileran oinarritutako metodologia aintzat hartuta, bizi-esperientzia aparta biziko du. «Euskara irakasteko modu afektiboa aurkituko du gugana hurbiltzen denak» helburua edozein izanik ere: etxeko eta inguruko harremanak euskaraz izatea, alfabetatzea, titulua lortzea, sare sozialetan euskaraz eroso eta txukun idaztea… «AEKn ikasleen behar eta helburuetara egokitzen gara».
Zer lortu duzu AEKn?
2017-09-05 08:58
Euskara
Galdera hau luzatu diegu Azkoitiko AEK-ko ikasle batzuei. Bakoitzak bere helburuak zituen hasi zirenean: batzuek titulua zuten buruan, beste batzuek euskaraz alfabetatzea eta hitz egiten ikastea helburu zuenik ere bazen. Zenbaitek helburua lortutakoan AEK-ko ibilbideari amaiera ematen diote, beste batzuek aldiz, ikasten doazen heinean, helburu berriak jartzen dizkiote euren buruari.
Abuztuko azala: Ezohikoena ere ohikoen egiten
2017-08-04 09:26 Euskara Azkoitia
Hasi gara abuztuko Maxixatzen aldizkaria banatzen. Abuztuko azalean ezohiko kirolak praktikatzen dituzten herritarrak ditugu protagonista. Oraindik bazkide ez bazara eta aldizkaria etxean jaso nahi baduzu, sartu lotura honetan.
Udalak beste urtebeterako akordioa sinatu du Maxixatzenekin
2017-07-20 12:17 Euskara Azkoitia
Azkoitiko Udalak hitzarmena sinatu du gaur Maxixatzen Euskara Elkartearekin eta tokiko euskarazko bi komunikabideekin, Urola Kostako Hitzarekin eta Erlo Telebistarekin. Marijose Arregi Euskara zinegotzia eta Javier Zubizarreta alkatea akordioa ixteko bildu dira Idoia Alberdi Maxixatzeneko lehendakariarekin, Urtzi Oteiza Erlo telebistako ordezkariarekin eta Nerea Uranga Urola Kostako Hitzako ordezkariarekin.
Euskarari zerbitzua emateko bidean
2017-07-12 10:00 Euskara Azkoitia
Serbitzu enpresa, Biharkorekin batera, euskara plana duen enpresa da Azkoitian. 2011 inguruan jarri ziren Emunekin harremanetan. Langile gehienak euskaldunak izanik, euskara beti egon izan da presente enpresan, baina, sistema bat ezarrita, euskarak euren enpresan duen garrantziaz jabetu dira. Enpresa munduan «lan handia» dagoela egiteko adierazi dute Emuneko kideek.
Uztaileko azala: «Ez dut sekula ahaztu irakaslea naizela»
2017-07-07 11:44 Euskara Azkoitia
Gaur, ostirala, hasiko gara Maxixatzen aldizkaria banatzen. Uztaileko azalean Arantxa Zubizarreta Xabier Munibeko zuzendaria dator. Oraindik bazkide ez bazara eta aldizkaria etxean jaso nahi baduzu, sartu lotura honetan.
Amaitu da ikasturtea AEKn
2017-06-26 12:37
Euskara
Aurreko ostegunean, ekainak 22, amaitu genuen ikasturtea AEKn. Bukaera borobila emate aldera, hainbat ekintza burutu genituen. Hasteko, arratsaldeko 15:30ean, San Martineko museo arkeologikora bisita gidatua egin genuen. Gero, arratsaldeko 19:30ean hasita, kantu-pintxo-potea egin genuen Iraurgi abesbatzako kideen gidaritzapean. Eta azkenik, Orbela jatetxean afaria eginez amaitu genuen eguna. Ondo pasatu oporrak! Datorren ikasturtean izango duzue gure berri.
Euskara Plus programa, 'euskaltegira joan aurreko pausoa' dela dio Pako Aristi idazle eta irakasleak
2017-06-26 11:16 Euskara Azkoitia
Diplomen banaketarekin eman zaio amaiera Euskara Plus programaren baitan aurten eskainitako bigarren ikastaroari. Hamar lagunek hartu dute parte eta menpekotasuna duten edo adineko pertsonen zaintzan beharrezkoa den oinarrizko hiztegia landu dute.
AEKn aurrematrikula zabalik
2017-06-08 16:37
Euskara
Ekainaren 19ra arte aurrematrikula egiteko aukera dago AEKn. Orain izena emanez gero, hainbat abantailaz gozatzeko aukera izango duzu: deskontua, ordainketa malguagoa... ZATOZ ETA ESKATU INFORMAZIOA!
AEKren udaberriko irteera
2017-06-05 12:20
Euskara
Primeran pasatu genuen Balentziaga museoan. Erakusketa interesgarria ikusteaz gain, Urola Kostako ikasle eta mintzalagunok elkar ezagutzeko aukera izan genuen. Giro paregabea izan zen gure artean.
Nabarmenak
_admin_thumbnail.jpg)
KORRIKA AZKOITIA bideoaren harira, Facebooken zozketa bat prestatu dugu!
Parte hartzeko:
1- Azkoitiko AEK euskaltegiaren orrialdeari ATSEGIN DUT eman.
2-...
»» Eta zuek, Korrika nondik nora ...