Santa Zeziliaren omenezko jaialdia egin dute Bizkargi Musika eta Dantza Eskolako ikasleek

  Kultura  Azkoitia

Santa Zeziliaren omenezko musika eta dantza jaialdia egin dute arratsaldean Elkargunean, eta bertan parte hartu dute Bizkargi Musika Eskolako ikasleek. 

»» Ikusi argazki guztiak (127)

Ingelesezko antzerkiaz gozatu dute dozenaka haurrek

  Hezkuntza  Azkoitia

Kids&Us Azpeitiak antolatuta, eta Azkoitiko Udalaren laguntzarekin, haurrek ekitaldi ederraz gozatu zuten joan den zapatuan, Elkargunean. 3 eta 7 urte arteko haurrak eta haien gurasoak batu ziren aretoan, ingelesezko Phantom Manor deituriko antzezlan dibertigarria ikusteko.

»» Ikusi argazki guztiak (30)

Herrixen Egunaz gozatzen ari dira herritarrak

  Besterik  Azkoitia

Herrixen Merkatari Elkartea, Udalaren babesarekin, II. Herrixen Eguna ari da ospatzen, eta herriko plazan hamaika ekintza antolatu dituzte gaurko egunerako. Goizean, 11:30etan hasita, Herrixen Tonbolak hainbat opari eskaini ditu herritarren artean, eta ondoren, plazan, txorizo dastaketa eta trikitilariak izan dira protagonista. Txu-txu trena ere etenik gabe aritu da herria zeharkatzen, eta bi Zakelmari ere aritu dira txikienei gozokiak eta koloretako puzgarriak banatzen.

»» Ikusi argazki guztiak (37)

Giro bikaina Elosuko ferian

  Aisia  Azkoitia

Gaur, hilak 12, Pilarika egunarekin bat eginez, 39. Elosu Mendiko Ganadu Feria izan da Elosu auzoan. Eguraldi ederrarekin, jendetza bertaratu da egunean zehar. Horietako asko erosketak egiten, erromerian dantzan, ganadua ikusten edota puzgarrietan jolasean ibili dira. Aurten, gainera, auzoko ikatzarekin erretako txahala dastatzeko aukera ere izan da. 

»» Ikusi argazki guztiak (89)

Mai Vázquez Doménech artistaren "Mismunandi" erakusketa, iruditan

  Artea  Azkoitia


Mai Vázquez Doménech artista azkoitiarraren erakusketa dago ikusgai Torre Zuri aretoan. "Mismunandi" izenburupean gaur inauguratu du bere galeria, eta urriaren 8ra arte egongo da ikusgai egunero. Astelehenetik igandera 17:00etatik 20:00etara bitartean irekiko dute Torre Zuri erakustokia artelanak erakusteko.


»» Ikusi argazki guztiak (13)

II. Lasterketa Solidarioa, iruditan

  Gizartea  Azkoitia

Bigarren urtez, Azkoitiak solidarioa dela erakutsi du. 1.179 partehartzailek osatu dute Aspanogiren aldeko marea berdea. Lehenik izena emandako 250 txikienen txanda izan da, eta ondoren 929 helduena, baina denek solidaritate bera erakutsi dute. Jose Antonio Zulaika antolatzaileak esan duenez, lasterketa «arrakasta hutsa» izan da, eta «Azkoitia bezalako herri eskuzabal gutxi» daudela argitu nahi izan du.

»» Ikusi argazki guztiak (266)

II. Mangaixue Bike BTT martxa, iruditan

  Kirola  Azkoitia

15:15 puntuan atera dira Plaza Berritik bizikleta gainean 212 txirrindulari, horietatik bi emakumezkoak. Guztira 123 azkoitiarrek parte hartu dute bigarren urtez antolatu duten Mangaixue mendiko bizikleta proban. 

»» Ikusi argazki guztiak (55)

25. urteurrena ospatzen ari dira herriko igerilariak

Erabiltzailearen aurpegia   Kirola

Duela 25 urte guraso talde batek sortu zuen Zubiaurre igeri elkartea, eta gaur festa giroan murgilduta dabil taldea. Izan ere, 25. urteurreneko festa ari dira ospatzen gaur egungo eta orduko igerilariak bat eginda. Goizean igerilekuan hainbat jolas egin dituzte gaztetxoenek. Eguerdian bazkaltzera joango dira taldekide guztiak, eta arratsaldean ere festak jarraituko du herriko plazan. Besteak beste, herriko umeentzako ur jolasak antolatuko dituzte eta taloak eskainiko dituzte. 

»» Ikusi argazki guztiak (39)

3x3 Futbol Festa, iruditan

  Kirola  Azkoitia

Gaur arratsaldean hasi eta ilundu bitartean, Urola eskualdeko neska-mutilek Azpeitia Cup taldeak antolatutako 3x3 Futbol Festaz gozatu dute. Zapatuan eta igandean ere izango dira futbol partidak.

»» Ikusi argazki guztiak (99)

Urduri eta ilusioz hasi dute Xabier Munibeko ikasleek ikasturtea

  Hezkuntza  Azkoitia

Xabier Munibe ikastolako ikasle gazteenentzat amaitu dira udako oporrak. Haur Hezkuntzako eta Lehen Hezkuntzako aurreneko zikloko ikasleak gaur goizeko 09:00etan itzuli dira eskolara.

»» Ikusi argazki guztiak (65)

Maxixatzen munduan zehar

  Besterik  Azkoitia

Mari Carmen Elorza Maxixatzen.eus-eko erabiltzaileak Myanmarretik hainbat argazki bidali dizkio Maxixatzeni. Eskerrik asko!

»» Ikusi argazki guztiak (12)

Hasi dute ikasturtea Floreaga ikastetxean

  Hezkuntza  Azkoitia

Gaur hasi du ikasturte berria Floreaga ikastetxeak. Batzuk lagunak ikusteko pozez, besteak negarrez, baina denak zintzo elkartu dira 09:00etan ikastetxeko atarian. HHko haurrak ikasgelara joan dira zuzenean, eta LHkoek, urteroko ohiturari jarraituz, Urrategi auzoa bisitatu dute. Aurrez, baina, Juan Inazio Sudupe Floreagako ordezkariak ongietorria eman die ikasleei, eta ondoren ikasleak ikasgelara abiatu dira aurtengo ikasturteko ikasgela ezagutzera.

»» Ikusi argazki guztiak (25)

Jubilatuen egun-pasa, iruditan

  Gizartea  Azkoitia

Atzo Azkoitiko jubilatuek egun-pasa egin zuten. 10:30 aldean plazan elkartu eta gero, Mutrikuko San Juanera joan ziren, eta bertan hamaiketakoa eta bueltatxoa egin zituzten. Ondoren, Aittola-Zaharrera igo ziren. Han, paella eta oilaskoa jan zuten eta tertulia eta giro politean pasatu zuten arratsaldea. 19:00ak aldean jaitsi ziren berriro herrira.

»» Ikusi argazki guztiak (11)

Sexu erasoen kontrako oihu ozena Azkoitiko plazan

  Gizartea  Azkoitia

Sostenipe Talde Feministak eta Sustraiak Moretzen taldeak deituta, elkarretaratze isila eta jendetsua egin dute herriko eta inguruko herrietako ehunka pertsonak herriko plazan. Bertan izan dira Azkoitiko eta Azpeitiko udal ordezkariak.

»» Ikusi argazki guztiak (15)

Prezio murriztuak izango dira gaur barraketan

  Festak  Azkoitia

Trenbidearen Zumardian kokatutako tiobiboetan buelta batzuk eman nahi dituzten ume eta gaztetxoentzako arratsalde aproposa da gaurkoa, igandea. Izan ere, Umeen Barraka Eguna da gaurkoa, eta hori dela-eta, barraka guztietan ohi baino merkeago ibili ahal izango dute: euro batean, fitxa bakoitza. Bestalde, gaur izango da barraken azken eguna.

»» Ikusi argazki guztiak (17)

Kuadrilla Eguna, iruditan

  Festak  Azkoitia

Kuadrila Eguna ari dira ospatzen Azkoitian. Gaurko egunarekin agurtuko dituzte andramaixek azkoitiarrek. 11:00etan XVI. Andramaixetako Milia jokatu da, Xeye atletismo taldeak antolatuta. 14:30ean, berriz, bazkari herrikoia egin dute 1.350 herritarrek. Guztira 126 kilo arroz erabili dituzte gaurko bazkarirako. Kuadrila bakoitzak bere kamiseta, alkandora edota bestelako koloredun hamaika gauzekin koloreztatu dute herriko plaza.

»» Ikusi argazki guztiak (95)

Aurten 90 urte betetzen dituzten 32 herritar omendu dituzte

  Festak  Azkoitia

Plaza Ondo Jubilatuen Elkarteak eta Udalak 1927an jaiotakoak omendu dituzte. Alkateak bizitzan egitea egokitu zaien lana eta ahalegina eskertu dizkie omenduei. Guztiek ezin izan dute bertaratu, eta omenduen izenean, haien senideek jaso dute oroigarria.

»» Ikusi argazki guztiak (18)