Floreaga ikastetxeko Familien festa ospatu dute

  Hezkuntza  Azkoitia

Maiatzaren 19an, Maria Laguntzailearen ospakizunen bezperan, Floreaga Ikastetxeko Familien festa ospatu dute.

»» Ikusi argazki guztiak (15)

Rallyko autoek ikusmina piztu dute plazan

  Kirola  Azkoitia

Gaur, zapatua, jokatuko da Azkoitiko X. Rallysprinta Errebueltie Eskudeixek antolatuta, Elosutik barrena. Goizean plazan egon dira autoak egiaztatzen, eta hainbat lagun bildu dira autoen inguruan. 13:45era arte plazan aparkatuta egongo dira autoak, herritarren gozamenerako. 

»» Ikusi argazki guztiak (27)

Hasi dira Pentekoste jaiak ospatzen, Martirietan

  Festak  Azkoitia

Pentekoste jaiak ospatuko dituzte asteburuan Martirieta auzoan, eta atzo, ostirala, bertso afaria izan zen Sebastian Lizaso eta Unai Agirre bertsolariekin.

»» Ikusi argazki guztiak (5)

Koloretako mundu baten alde

Erabiltzailearen aurpegia   Gizartea

Gaur, maiatzak 17, LGTBIaren —Homofobia, Lesbofobia, Transfobia eta Bifobia— aurkako nazioarteko da. Xabier Munibe Ikastolako ikasleek, irakasleek eta gurasoek bazterkeriarik gabeko mundua aldarrikatu dute Ikastolako atarian kartel koloretsuekin eta musikaz lagunduta.

»» Ikusi argazki guztiak (15)

Prozesioa, meza eta auzotarrentzako elkargunearen inaugurazioa Madariagan

  Besterik  Azkoitia

Gaur, sanisidro eguna, prozesioa eta meza egin dituzte Madariaga auzoan. Mezetarako kanpaiak jo ondoren, 100 lagun inguru elkartu dira mezetan eta prozesioan, eta lehen aldiz auzoko emakume batek eman du prozesioan gurutzea. Maribel Bastida izan da gurutzea eman duena. Meza amaitutakoan, 12:00etan, auzotarrentzako elkargunearen inaugurazioa egin dute.

»» Ikusi argazki guztiak (32)

Herritarrak ari dira ekainaren 10eko Giza Katerako izena ematen

Erabiltzailearen aurpegia   Gizartea

Ekainaren 10ean Gure Esku Dagok bere jarduneko bigarren Giza Katea. Azkoitiarrek Arroa inguruko bi kilometro —40 eta 41 kilometroak— bete beharko dituzte, eta kilometro horiek betetzeko 1.000 lagun ingururen parte hartzea beharko dutela azaldu dute antolatzaileek. Oraingoz 200 azkoitiarrek baino gehiagok eman dute izena.

»» Ikusi argazki guztiak (9)

Shine Again antzerki musikala Buero sarietan irabazle

Erabiltzailearen aurpegia   Musika

Shine Again antzerki musikala Euskal Autonomia Erkidegoko obra onena izendatu dute maila ez eskolarrean, Coca Cola Fundazioak antolatutako Buero sarietan.

»» Ikusi argazki guztiak (4)

Itzuli dira Holandatik etxera Bizkargi abesbatzako gazteak

  Musika  Azkoitia

Iritsi dira Holandatik herrira Bizkargi abesbatzako gazteak. «Nekatuta, baina oso oso pozik», esperientzia «zoragarria» izan baita At The Watergate Europako Musikari Gazteen jaialdian parte hartzea. Holandako Sneek herrian igaro dituzte bost egun, eta kontzertu eta musika emanaldiez gain, turismoa egiteko aukera ere izan dute. Larunbatean, etxerako bidea hartu zuten, eta Ganten, Belgika, igaro zuten eguna. Atzo, igandea, heldu ziren etxera.

»» Ikusi argazki guztiak (25)

Ibilgailu klasikoen topagunea izan da Azkoitia

  Besterik  Azkoitia

75 ibilgailu klasikok hartu dute Azkoitiko VII. Ibilgailu Klasikoen Topaketan. Goizean eguraldiak ez du lagundu, eta ibilbidean zehar euria izan dute protagonista. Autoak Plaza Berrira iristen hasi direnean, ordea, eguzki printzek argitu dute kalea, eta herritar eta ibilgailu zale asko bertaratu da xehetasun guztiak bertatik bertara ezagutzera.

»» Ikusi argazki guztiak (99)

Xabier Munibe LH6ko ikasleak azpitxapeldun Txerloiko futbol finalean

Erabiltzailearen aurpegia   Kirola

LH6 mailako ikasleek euripean jokatu dute futbol finala arratsaldean. Xabier Munibe A taldeak joko dotorea eginagatik, ezin izan dio Karmelo Etxegarai A taldeari irabazi. Azken minutuak zirraragarriak izan dira, bat eta lauko markagailutik hiru eta laukora estutu dutelako Ikastolako mutilek. Azken minutuetan gehiago merezi arren, azpitxapeldunaren saria txapeldun handiek bezala ospatu dute Txerloiako berdegunean.

»» Ikusi argazki guztiak (26)

Sanisidro festetan murgildu dira Madariagan

  Festak  Azkoitia

Sanisidro jaiak ari dira ospatzen Madariaga auzoan. Eguraldiak asko lagundu ez arren, jende asko hurbildu da auzora. Auzotarren arteko eta Emakume Master Cup txapelketako emakumeen pilota partidak jokatu dira eguerdian, pilotaleku txikian, eta ondoren Laja II eta Lutxurdixok giro ederra jarri dute tabernan. Txikienentzako marrazki tailerra ere egin dute. 

»» Ikusi argazki guztiak (16)

Musika bandak kontzertua eman du eguerdian, Kontzejupen

  Musika  Azkoitia



Kontzejupea txiki gelditu da Azkoitiko Musika Banda entzuteko. Jon Altunak zuzendu du gaurko saioa, eta besteak beste, 'Agüelico', 'Egmont', 'Zuhaitzari omena', 'Indiana Jones' eta 'Piratas del Caribe' kanten doinuak eskaini dizkiete herritarrei.


»» Ikusi argazki guztiak (15)

Ekainaren 10eko Giza Katea aurkeztu du Azkoitiko Gure Esku Dagok

  Gizartea  Azkoitia

Azkoitiko Gure Esku Dagok ekainaren 10ean Donostia, Bilbo eta Gasteiz —201,9 km— artean egingo den Giza Katearen aurkezpena egin du herritarren aurrean. Orain arte taldeak egindako lana eta aurrerantzean egiteko dutenaren berri eman dute eguerdian, Elkargunean.

»» Ikusi argazki guztiak (10)

Denboraldiko azken mendi eski irteera

Erabiltzailearen aurpegia   Kirola

Apirilaren 21 eta 22ko asteburuan egin zuen Anaitasuna Mendi Bazkunak aurtengo denboraldiko azkeneko mendi eskiko irteera. 

»» Ikusi argazki guztiak (70)

Santakutzak ospatzeko, jendetza bildu da Lajan

  Festak  Azkoitia

Eguraldia lagun, giro ederrean ospatu dituzte asteburuan Santakutz festak auzoan. Gaur, esaterako, herritar ugari joan da Laja jatetxera Zelailuzeko zezenak eta pottokak bertatik bertara ikustera. Gainera, Antxitte eta Landa trikitilariek alaitu dute giroa, bertaratu direnen gozamenerako. Hona hemen gaur arratsaldeko argazki bilduma:

»» Ikusi argazki guztiak (25)

Iraurgiko neska-mutilak Jakan

Erabiltzailearen aurpegia   Kirola

Denboraldiko topagune politenetik itzuli dira dagoeneko Iraurgi Saski Baloiko jokalariak. Sabiñanigon, Panticosan, Villanuan, eta, nola ez, Jakan izan ditugu 2002-2008 urte bitartean jaiotako 150 haurrak, gazteak, eta entrenatzaileak; harmailetan, ehunka guraso, hamalau taldeak animatzen.

»» Ikusi argazki guztiak (18)

180 korrikalarik parte hartu dute Gurutzetxoko XXXVI. Krossean

  Festak  Azkoitia

Floreagako festak ospatzen ari dira auzoan joan den ostiraletik, eta gaur goizean Gurutzetxoko XXXVI. Krossa izan da. Guztira, 180 gaztetxok eta helduk parte hartu dute, eta giro bikainean igaro dute goiza. Arratsaldean, berriz, Zelailuzeko zezenak eta pottokak eta buruhandiak egongo dira, haurren gozamenerako. 

»» Ikusi argazki guztiak (177)

Walter Becerra eta Oihana Azkorbebeitia azkarrenak XIV. Izarraitzko mendi lasterketan

  Kirola  Azkoitia

Bi proba izan dira gaur jokoan Azpeitia eta Azkoitia artea: II. Izarraitzko Mendi Lasterketa Herrikoia —10 km— eta XIV. Izarraitzko Mendi Lasterketa —25 km—. 25 kilometroko proban 140 gizon-emakumek hartu dute parte. Imanol Larrañaga azkoitiarra bigarren sailkatu da proba luzean, eta Mari Carmen Seijas azkoitiarra txapeldun bilakatu da proba motzean, Azkoitiko helmugara lehena iritsi baita.

»» Ikusi argazki guztiak (111)

Sokatira erakustaldia Trenbidearen Zumardian

  Kirola  Azkoitia


Euskal Herriko lurgaineko 680 kg-tako lehen jardunaldiko sokatira txapelketa jokatu zen atzo, zapatua, Trenbidearen Zumardian. Txapelketa puntuagarria zen izatekoa hasiera batean, baina Akelarre taldeak huts egin zuen atzoko hitzorduan, eta epaimahaiak jardunaldia puntuagarria ez izatea erabaki zuen. Mutriku, Getxo, Gaztedi A, Gaztedi B eta Gaztedi C sokatira taldeek erakustaldia egin behar izan zuten, beraz, Azkoitian.


»» Ikusi argazki guztiak (31)

Giro ona Floreagako festen hasieran

  Festak  Azkoitia

Atzo, ostirala, 19:00etan hasi ziren Floreagako festak. mus txapelketan Juan eta Dioni izan ziren nagusi, eta bigarren Jose Luisek era Lurdesek. Festak gaur ere jarraitu du, ordea. Goizean bolo txapelketan hainbat auzotarrek eta herritarrek hartu dute parte, eta arratsaldean, Zelailuzeko zezen eta pottoken txanda izan da. Bihar ere festak jarraituko du auzoan; gaur gaueko ekintzek egingo dute gaurko egunaren eta biharkoaren lotura. Izer eta Alabier trikitilariak eta Blanck eta Kanuto DJ-ak arduratuko dira auzoa alaitzeaz.

»» Ikusi argazki guztiak (19)