Balorazioen aurretik bi eskertza eta ongi etorri bat

Erabiltzailearen aurpegia   Gizartea

Astebete pasa zaigu. Aste oso bat gure burua lasaitu, bere onera ekarri eta asentatzeko baliatu duguna. Gertatutakoa asimilatzeko lanak izan ditugu eta izango ditugu oraindik ere. Baina etapa bat itxi behar dugu eta balorazioak egin aurretik eskerrak eman nahi ditugu.

»» Ikusi argazki guztiak (4)

Unai Zialtzeta eta Mari Carmen Seijas irabazle V. Duatloi Herrikoian

  Kirola  Azkoitia

Unai Zialtzeta azpeitiarra gizonezkoetan eta Mari Carmen Seijas azkoitiarra nagusitu dira Azkoitri Triatloi Klubak antolatu duen Azkoitiko V. Duatloi Herrikoian. 35 parte-hartzaile izan ditu aurtengo edizioak, 31 gizon eta lau emakume. Bi kilometro egin dituzte korrika lehenik, gero 5,2 km bizikletan, eta azkenik, kilometro bat egin dute korrika ibilbidea osatzeko.

»» Ikusi argazki guztiak (138)

Amaitu dira Urrategi auzoko festak

  Festak  Azkoitia

Amaitu dira Urrategi auzoko festak. Atzo arratsaldean hainbat ekintza izan ziren auzoan, eta jende asko bertaratu zen festez gozatzera. 16:30ean, Lopenek bere abereak plazaratu zituenean, auzoko pilotalekuan haurrentzako puzgarriak eta tailerrak jarri zituzten. 18:00etan, berriz, Koatei eta Txibilter baserrietako astoen proba izan zen. 600 kiloko Uitte harriarekin, eta gainkargarekin, hogei minutuko lana egin behar izan zuten. Koateiko astoak 73 plaza eta 9 metro egin zituen, eta Txibilterkoak 68 plaza eta 19 metro. Festak bukatzeko, erromeria izan zen Zabale eta Larrañaga trikitilariekin.

»» Ikusi argazki guztiak (18)

Giro paregabea Urrategiko festetan

  Festak  Azkoitia

Gaur, igandea, festak ari dira ospatzen Urrategi auzoan. Eguraldi onak lagunduta, jende asko igo da kaletik oinez zein bizikletan Urrategiraino. Felix Azurmendi apaizak eman duen 11:00etako meza nagusian jendetza elkartu da. Hasieran euri tanta batzuk erori badira ere, eguzkiak gogotik berotu du gero auzoa. Mezaren ondoren, Agin Laburu, Loidisaletxe eta Larrañaga bertsolarien txanda izan da. Gerora hasi da herri kirol saioa. Urrestila auzoko Mikel Larrañaga eta Xabier Aranburu 'Guzta', Urrategi auzoko 'Txikia IV' eta 'Goenatxo III' bikotearen aurka aritu dira. Bazkalaurretik, berriz, Zabale eta Larrañaga trikitilariek girotu dute Urrategiko plaza

»» Ikusi argazki guztiak (36)

Mus txapelketarekin hasi dira Urrategi auzoko festak

  Festak  Azkoitia

Atzo, ostirala, hasi ziren Urrategi auzoko festak. Urrategiko XIII. Mus Txapelketa jokatu zuten auzoko elkartean, eta goizaldeko 02:00ak aldera arte luzatu zen txapelketa. Guztira 35 bikotek hartu zuten parte, eta txapela Azpeitira joan zen. Eizmendik eta Danik lortu zuten lehen postua. Bigarren, Jexux Urratei eta Fernando azkoitiarrak gelditu ziren. Hirugarren postuan sailkatu ziren Arkaitz Burruntzi azkoitiarra eta Didaka Azkoitiko bizilaguna. Laugarren postua, azkenik, Markelek eta Gaztelu-k eskuratu zuten.

»» Ikusi argazki guztiak (12)

Entzierroarekin eman diote hasiera sanfermin jaiei ehunka gaztetxok

  Aisia  Azkoitia


Uztaila Jolasean udalekuetako haurrek, sanfermin txiki eguna ospatu dute. 12:00etan, irakurgai bat irakurri dute Inge Odriozolak eta Unax Etxanizek udaletxeko balkoian. Ondoren, Iruñean bezala, txupinazoa bota dute ondoren, eta segituan zezenez jantzitako haurrak, korrikalarien atzetik abiatu dira Oteiza pilotalekuetaraino. Eguraldiak lagunduta, giro polita sortu da herriko plazan.


»» Ikusi argazki guztiak (69)

Jendetza bildu da musika bandaren kontzertuan

  Musika  Azkoitia

Joan den zapatuan Azkoitiko Musika Bandaren kontzertua izan zen Kontzejupean. Plaza Berrin izatekoa zen, baina euriagatik azkenean Kontzejupera aldatu zuten. Emanaldia Julen Etxanizek aurkeztu zuen eta Jenny Caleroren Born to Dance dantza eskolako dantzariek ere parte hartu zuten. Kontzejupea goraino bete zen.

»» Ikusi argazki guztiak (7)

Egun osoko festa eguna Matadeixeren 22. urteurrenean

  Kultura  Azkoitia

Joan den zapatuan Matadeixeren 22. urteurrena ospatu zuten dozenaka lagunek. Besteak beste, bizipoteoa, bazkaria eta serigrafia tailerra egin zituzten egunean zehar. Gauean, berriz, Anakrosis, Nasty Surgeons eta Nekrocake taldeen kontzertuak izan ziren.

»» Ikusi argazki guztiak (18)

Egun borobila Azkoitiko AEKn

Erabiltzailearen aurpegia   Euskara

Atzokoa egun borobila izan genuen. Mintzalaguneko bidelagunei eginiko omenaldi hunkigarriaren ondoren, ikasturteari amaiera emateko, Mintzalagun eta AEK-ko ikasle eta irakasleok afaltzera joan ginen giro jator eta euskaldunean.

»» Ikusi argazki guztiak (2)

Omenaldi hunkigarria jaso dute Mintzalaguneko bidelagunek

  Euskara  Azkoitia

Mintzalaguneko bidelagunei, alegia, euskaldun berriekin euskara praktikatzeko biltzen diren euskaldun zaharrei, omenaldi hunkigarria egin diete. Udalak eta AEK-k sustatuta, euskaldun berriek beren esker ona adierazi nahi izan die bidelagunei, eskaintzen dieten denboragatik eta dedikazioagatik. Guztira, hemeretzi bidelagunek jaso zuten diploma eta oroigarri bana, euskaldun berrien eskutik

»» Ikusi argazki guztiak (25)

Xake taulez bete dute Kontzejupea

  Kirola  Azkoitia

XXXVI. Azkoitia Hiria Xake Txapelketa, Joxe Azkueren omenezko VII. lehiaketa jokatu dute goizean, Kontzejupean. Guztira hamasei taldek hartu dute parte, eta kontzentrazio handiarekin lehiatu dira denak. Azkoitiko neska-mutilen taldeek ere hartu dute parte txapelketan.

»» Ikusi argazki guztiak (19)

Su txikien itsasoan dantzan

  Kultura  Azkoitia


San Joan egunaren bezperan, hamaika su egin dituzte herrian, udako solstizioari ongietorria emateko. Marea Urdina egitasmoko kideek piztu dute sua Balda Plazan. Hainbat herritarrek eskuz-esku pasatu dute argi-zuzia, eta 22:00ak puntuan zirela piztu dute sua.


»» Ikusi argazki guztiak (55)

Kandiola eta Bizkargi dantza taldeek girotu dute San Joan bezpera

  Kultura  Azkoitia

Xabier Munibe Ikastolako eta Floreaga Ikastetxeko Kandiola eta Bizkargi dantza taldeetako ikasleek dantza emanaldia egin dute, Balda Plazan. San Joan bezperako ekintzen artean ohikoa da ikasleen emanaldia, eta urteko egunik luzeena baliatu dute hainbat dantza herritarrei erakusteko.

»» Ikusi argazki guztiak (78)

Futbola eta festa uztartuta

  Kirola  Azkoitia


Ostegunean hasita, hirugarren eguna du V. 3x3 Futbol festak. Izen emate kopuruak errekorrak hautsi ditutela eta egun bat aurreratu zuen antolakuntzak futbol festa, gehiegizkoa zelako partidak hiru egunetara mugatzeko.


»» Ikusi argazki guztiak (40)

Artelanen egindako lanekin erakusketa osatu dute, Torre Zurin

  Artea  Azkoitia



Artelan zentroko Txelo Arangoren ikasleek egindako lanak ikusgai izango dira Torre Zuri erakustokian, uztailaren 1era bitartean. Ikasturte honetan egindako lanak egongo dira ikusgai.



»» Ikusi argazki guztiak (11)

Xabier Munibe Ikastolako ikasleek erritmo biziz amaitu dute ikasturtea

Erabiltzailearen aurpegia   Hezkuntza

Xabier Munibe LHko ikasleen txanda izan da gaur. Ikasturteari amaiera emateko, sei mailatako ikasleek dantza koloretsuak egin dituzte, gaur egungo musika bizienekin. Bertsoak eta omenaldia ere izan dira. Hainbat urtetan ikastolan irakasle aritu izana eskertu diete, Maite Ayerdiri eta Miren Alberdiri. Bestalde, Marea Urdinari ere keinu bat egin diote bertaratutako ehunka lagunek, olatu erraldoia irudikatuz.

»» Ikusi argazki guztiak (419)

Ikastolako txikienek giro onean agurtu dute ikasturtea

Erabiltzailearen aurpegia   Hezkuntza

Xabier Munibe ikastolako HH mailako dozenaka ikaslek ikasturteari amaiera aparta eman diote gaurko ikuskizunarekin. Dozenaka ikaslek hilabeteetan eskolan ikasitako koreografiak dantzatu dituzte ehunka gurasoren aurrean, Gurea pilotalekuan.

»» Ikusi argazki guztiak (249)

Zubiberri gimnastika erritmikoko ikasleek erakustaldi koloretsua eskaini dute

  Kirola  Azkoitia

Zubiberri gimnastika erritmikoko ikasleen ikasturte amaierako jaialdia izan da gaur arratsaldean, Elkargunean. Ikusi argazki bilduma:

»» Ikusi argazki guztiak (79)

Bosgarren urtez elkarrekin eraikitzen proiektuaren baitan lanean

Erabiltzailearen aurpegia   Hezkuntza

Aurten bosgarrenez, Elkarrekin Eraikitzen proiektua landu da. Prozesuan zehar, 5 ikastetxe, 9 erronka, 9 irakasle, 40 eragile inguru eta 180 ikaslek baino gehiagok hartu dute parte.

»» Ikusi argazki guztiak (2)

Xakearen bilgune izan da Azkoitia

  Kirola  Azkoitia

Anaitasuna Kakute xake taldeak eta Gipuzkoako xake federazioak antolatuta, Gaztedi xake txapelketako finala jokatu dute bosgarren urtez Gurea pilotalekuan. Guztira 109 xake jokalari elkartu dira. Bi kategoriatan banatu dute txapelketa: Handiak eta Txikiak. Txikietan Zurriola A taldea nagusitu zen; Handietan, berriz, Gros A.

»» Ikusi argazki guztiak (27)