Maxixatzen.eus-ek galdera berria jarri du inkestan: 'Gabonetan, zenbat diru gastatzen duzu loterian?'. Eman botoa honako lotura honetan. Aurreko inkestan, azaroaren 30eko greba feminista orokorrean parte hartuko al zuten galdetu zitzaienean, 402 lagunek eman zuten botoa.

Azken ikerketen emaitzek diotenez, 2000. urteaz geroztik ugaritu egin dira sexu bidez transmititzen diren gaixotasunen diagnostikoak. 2018tik 2022ra bitartean, gonokozia diagnostikatu dieten herritarren kopurua %177 hazi da; eta sifilisa diagnostikatu dietenena, %53. Halaber, indarra hartu du, bereziki, klamidiak; hain zuzen, sexu bidez transmititzen diren gaixotasunetan ohikoena bihurtu da. Horrez gainera, datuek diote infekzio horiek gehienbat gazteengan atzeman dituztela: Sexu Transmisiozko Infekzioen (STI) laurdenak 15 eta 24 urte bitarteko herritarrei detektatzen dizkiete. Intza Trula kazetariak abenduko GUKA atalerako idatzitako erreportajea da honakoa.