Maxixatzenek, herriko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Aurrekoan, artesnie hitzaren esanahia erakutsi zuen webgunean; oraingoan, marruskau hitza aukeratu du Maxixatzenek. Ba al dakizu zein den hitz horren esanahia?
Marruskau hitzak igurtzi esan nahi du.
Adibidez, honako modu honetan erabil daiteke:
- Azkoitiko hizkeran: "Jertsie eskuz garbiu ta ondo marruskau".
- Euskara batuan: "Jertsea eskuz garbitu eta ongi igurtzi".
Iturria: Azkoittiko euskerie, Aizkibel beka.