Aurrera egiteko ordua

Gizartea

Hemeretzi hilabete dira koronabirusaren pandemia Euskal Herrira iritsi zenetik. Ordutik, COVID-19aren hedapena gelditzeko helburuz, neurri ugari ezarri dituzte erakundeek. Asko izan dira gaitza pasatu duten herritarrak, baita gaitzak jota hil direnak ere. Aldundiak emandako datuen arabera, Azkoitian, esaterako, herritarren %14,6k pasatu dute koronabirusa, eta hamar lagun hil dira. Joan zen asteaz geroztik alarma egoera bertan behera da Araban, Bizkaian eta Gipuzkoan.