Pentekoste jaiak ospatu dituzte asteburuan Martirieta auzoan. Zapatuan hasi zituzten festak, 18:00etan jaurtitako suziriarekin, eta atzo, igandea, izan zuen jarraipena jaiak. Goizean, hamarretakoa, meza eta artzain txakur txapelketa egin zituzten. Gaizka Etxaniz Martirietako auzotarrak jantzi zuen txapela. Jende ugari bildu zen goizean auzoan.
Lagunarteko bazkari jendetsua egin zuten gero eliza aurrean, eta arratsaldean, haurrentzat prestatutako jolasak eta merienda egin zituzten. Haur eta heldu asko joan zen atzo ere Martirieta auzora, nola goizean hala arratsaldean. Bi festa egunen ondoren, datorren urtera arte agurtu dituzte Pentekoste jaiak.
(Argazkiak: utzitakoak)