Ekintza hauetara guztiak gonbidatu nahi zaituztegu. Goizeko 09:00etan, jolastoki berdean, Eguzkilore taldeko bi ikaslek irakurriko digute "Egun onak" eta ondoren, bertsoak eta euskal dantzak (txistu eta atabalen laguntzaz) izango ditugu. Amaitzeko, LH-ko ikasle guztiek "Zer nolako zortea" bertsoa eta "Behin betiko" kanta abestuko dizkigute. Hau guztia, 16:30ean errepikatuko da HH-ko ikasleentzat, eta noski, kasu honetan beraiek izango dira abestuko digutenak. Eguraldi ona bada, HH-ko jolastokian izango da; txarra bada, aldiz, patio berdean.
Goizean zehar, LH-ko ikasleek mural erraldoi bat osatuko dute. Arratsaldean, HH-koak aretoan izango dira abesti, igarkizun eta abarrez gozatzeko asmotan. Baita ere esan, DBH-koak dagoeneko Euskal Ginkana batean parte hartzen ari direla.
Bestalde, Floreagan bertan izango diren ekintza horiez gain, 11:30ean, LH eta DBH-koak kalejira batean abiatuko gara plazarantz, Azkoitiko beste ikastetxeetakoekin batera. Bertan ekitaldi bat burutuko dugu guztion artean. (12:30ean ikasleak betiko moduan Floreagan izango dira.). Hona hemen, “Zer nolako zortea” kantaren hitzak.
Zer nolako zortea
gure hizkuntzarena
mila iturritatik
edaten duena
euskararik onena
da norberarena
eta txarrena berriz
egiten ez dena.
(Xabier "Euzkitze")