Merkatariak, ostalariak, gremioak eta profesionalak biltzen dituen atari digital berria sortu du Gukak. Tresna interaktiboa eta bizia da, eta herritarrek herrian kontsumi dezaten sustatzea du helburu. Maiatzaren 20an jarriko da abian.

Gipuzkoako Merkatarien Federazioak merkatari txikiak omentzen dihardu, bere 90. urteurrenaren harira. Urola Erdiko bost saltoki omenduko ditu oraingoan, tartean, Azkoitiko Aizterri Home, Sofia Studio 18 eta Martiarena inprimategia. Ekitaldia datorren astelehenean izango da, Elkarguneko Intxausti aretoan, 13:45ean.