Zubiaurre Master taldeko bi kidek, Bittor Elizalde eta Pello Benitezek, Espainiako Neguko Master txapelketan hartu zuten parte, Pontevedran, Galizian, joan zen asteburuan, eta emaitza oso onak lortu zituzten bakoitzak bere proba eta kategorian. Benitezek, hain zuzen, 50 metro libre proban podiumera igotzea lortu zuen, hirugarren eginda, brontzezko domina eskuratu baitzuen. Gainera, 100 metro libre eta 100 metro bular probetan, berriz, bosgarren egin zuen, eta 50 metro bular proban, zazpigarren.
Elizalde, berriz, 200 metro eta 400 metro libre probetan podiumetik oso gertu gelditu zen: bietan laugarren postua lortu zuen hark; 100 metro libre proban seigarren egin zuen, eta 50 metro libren, hamargarren.