Zubiaurre Igeriketa Klubeko sei igerilarik parte hartuko dute Gabonetako Nazioarteko Igeriketa Txapelketan. Ordiziako (Gipuzkoa) Majori Kiroldegian jokatuko da lehia, gaur, abenduak 29, 10:00etan.
Ligue Européene de Natation egutegiaren barruko txapelketa da Ordizia Igeriketa taldeak antolatzen duena, eta elite mailako igerilariak lehiatzen dira. Zubiaurretik joango diren igerilariak ondorengoak dira: Nora Mateos, Nerea Dominguez, Pello Benitez, Julen Ocio, Urko Sudupe eta Enaitz Osa.