Gaia: Gabonak
Doinua: 'Aita izena'
Negua ere arrimatu da
eta hortaz ohartzean
pinu txikia jarriko degu
argiz beteta etxean
umeak beti egoten dira
horretarako pozean
amestutako opariek hoiek
eskuetan jasotzean
goza dezagun gero eurekin
jolasaldi bakoitzean.
Olentzeroren eskutitzari
jar diezaiogun balantza
ze behar dugun jakiten nahiz ta
izan hamaika zalantza
presak utzita alde batera
hartu dezagun arnasa
famili eta lagun artea
izan dadila ardatza
gauza txikiak baloratuta
Gabonak primeran pasa!