Gure txokuk ezautzen egitasmoaren barruan ibilaldia egingo dute datorren larunbatean, hilaren 23an, Anaitasuna mendi bazkunak antolatuta. 08:10ean jarri dute hitzordua autobusa hartzeko, Azkoitiko Eroski txikiaren aurrean. Hala, joaten diren mendizaleek, Urretxu, Irimo, Gorla eta Urrategi zeharkatuko dituzte.
Gutxi gorabehera 21 kilometroko ibilaldia izango da, eta behin Urrategira iritsita, bazkaria egingo dute bertan. Bazkarirako izen ematea martxoaren 21a baino lehen egin beharko da, Lopetegi iturgintzan. 10 euro balio du txartelak.
Horrelako irteerekin, giro ederrean herriko txoko ezberdinez gozatzea da Anaitasuna mendi bazkunaren helburua, eta herritar guztiak gonbidatzen ditu ibilaldiaz gozatzera.
Halaber, irteeren inguruko edozein zalantza argitzeko anaitasunamb@gmail.com helbidera idatzi daiteke.