maxixatzen.eus

Azkoitiko bi duatloiak ekainaren 3an jokatuko dira azkenean

  Kirola  Azkoitia

Hasiera batean apirilaren 9an egitekoak ziren Azkoitiko XVIII. Duatloia eta IV. Duatloi Herrikoia, baina Trafiko Zuzendaritzaren baimenaren faltan, bi probak ekainaren 3ra atzeratu behar izan dituzte Azkoitri klubeko kideek. 

Azkoitiko bi duatloiak ekainaren 3an jokatuko dira azkenean
Ekainaren 3an izango dira Azkoitiko bi duatloiak. | Ikusi handiago | Argazki originala

 

Herrikoia federatu gabekoentzat izango da, eta parte hartzaileek egin beharrekoa hau da: Bi kilometro korrika, zortzi kilometro bizikletan eta bukatzeko beste kilometro bat korrika. Proba 15:00etan hasiko da.

17:00ean, berriz, Azkoitiko XVIII. Duatloia hasiko da federatutakoentzat. Beste urtetan baino motzagoa izango da aurtengoa: bost kilometro korrika, hogei kilometro bizikletan eta azkenik, beste bi kilometro eta erdi korrika.

Aurten 25. urteurrena dela-eta, zerbait desberdina antolatu nahi zuten, eta horregatik, aurten bi probak egun berean jartzea erabaki dute.

Antolatzaileek oraindik ez dute zehaztu bi probetarako izen-emate epea noiz zabalduko duten.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa