Ikastaro sorta horri batukada saioak emango dio hasiera urriaren 5ean, Ainara Sarasketa eta Arantxa Vicedo irakasleen eskutik.
Urriaren 10ean, "Dantza-Adierazpena eta Erlaxazioa" ikastaroari hasiera emango zaio. Karmele Gurrutxaga irakasleak modu aktiboan meditaziora iristeko teknikak irakatsiko ditu, gorputzaz eta mugimenduaz baliatuz.
Azaroaren 5etik aurrera, autodefentsa ikastaroan parte hartzeko aukera izango da, topagunea indarkeria egoerak identifikatu, partekatu eta iritziak elkartrukatzeko aprobetxatuz.
Laugarren proposamena Ianire Estebanezena izango da, "Nik nire bizitza kontrolatzen dut. Neure burua maitatzeko ikastaroa" lemapean. Bereziki neska gazteei zuzendutako saioak dira. "Gure maitasunari buruzko mikrotxipetan txertatuta ditugun estereotipo eta maitasun erromantikoari buruzko mitoak landuko ditugu, eta berdintasunean eta tratu onetan oinarrituz harremanak izaten ikasiko dugu", dio.
Ikastaroetan parte hartzeko udaletxeko arreta bulegoan eman behar da izena.
Informazio gehiago: berdintasuna@azkoitia.eus – 943 85 71 74