Datorren maiatzaren 28ko udal hauteskundeetako kanpaina iritsi da erdi bidera, eta azken txanpan, alkategaiekin elkarrizketa digitalak antolatu ditu Maxixatzen.eus-ek. Hain zuzen ere, Azkoitia Bai Elkarrekinen zerrendaburu Jose Joakin Etxanizen, PSE-EEren alkategai Janire Igoaren, EH Bilduren zerrendaburu Asier Altunaren eta EAJren alkategai Ana Azkoitiaren elkarrizketa digitalak izango dira datorren astean.
Etxaniz izango da herritarren galderak erantzuten aurrena; zerrendaburua astelehenean, hilaren 22an, izango da Maxixatzenen erredakzioan, 15:00etatik aurrera. Igoaren txanda asteartean izango da, 15:30ean. Altuna asteazkenean izango da Maxixatzenen egoitzan herritarrek bidalitako galderak erantzuten, 16:00etan. Elkarrizketa digitalen erronda Azkoitiak itxiko du ostegunean, 15:00etan. PPren Fernando Aguilar-Galindo alkategaiari ere egin dio proposamena hedabideak, baina hark ez du parte hartuko.
Dagoeneko lau zerrendaburuei galderak bidaltzeko aukera dute herritarrek: Etxanizi galderak bidaltzeko egin klik honako lotura honetan; Igoari galdetzeko, hemen; Altunari bidaltzeko, honako honetan; eta azkenik, Azkoitiari galdera egiteko, hemen.