Polemika sortu du sare sozialetan Aizpurutxon zabor bilketan ari den kamioi baten bideoak

Urola Erdiko Zerbitzu Mankomunitateak eta Azkoitia Zero Zaborrek ohar bana kaleratu dute azken orduetan sare sozialetan zabaltzen ari den bideoa dela eta. Bideoan ikusten denez, herritarrek gaika sailkatutakoa kamioi bakar batean bidu eta nahasten dute.

 

Honako ohar hau kaleratu du Urola Erdiko Zerbitzu Mankomunitateak: «Aizpurutxoko puntu batean hondakin mota guztiak batera biltzen ditu Urola Erdiko Mankomunitateko ibilgailuak. Ohar honen bidez adierazi nahi dugu zergatik egiten den hori puntu horretan. Izan ere, 2015etik arazo larriak izan dira Azkoitiko hondakinetan inpropio kopuru handia zegoelako ontzi arinetan eta organikoan.

Arazo hori konpontzeko hartutako erabakien artean dago landa eremuko ekarpen guneetako (Aizpurutxokoa adibidez) hondakin mota guztiak errefusarekin biltzea; hainbat azterketen ondorioz dakigulako inpropio gehiago egon ohi dela puntu horietan. Era berean, lanean gabiltza landa eremuko puntu horietako hondakinen kalitatea bere onera itzultzeko (inpropio kopurua gutxitzeko), eta hemendik gutxira lortuko da puntu horietako hondakinak berriz berezituta biltzea».

Bestalde, Azkoitia Zero Zaborrek honako hau adierazi du: «Birziklapena axola zaionaren itxura eman nahian ari da Azkoitiko Udala (kanpaina berria ere jarri du martxan). Bitartean, azkoitiarrok edukiontzi desberdinetan botatzen ditugun hondakin denak kamioi berean nahasten dituela ikusi dugu. Lotsagabe hauek edozertarako prest daude errauskailuari jaten ematearren!».

Aizpurutxoko bizilagun batek grabatu du bideoa, eta, azalpenak eskatuta, Manu Arellano Serbitzuko ordezkariak hauxe jakinarazi du: «Urtebetean ez digute utzi zaborrak Lapatxeko organikoaren plantan deskargatzen, ezta Legazpiko edukiontzienean ere [...]. Horregatik erabaki zen toki horietan dena zaborrean jasotzea [...]. Organikoa eta edukiontziak plantetara eramaten baditugu, ordaindu egiten digute; zabortegira eramanez gero, geuk ordaintzen dugu».

Erlazionatuak

Hobekuntzen zain, hau dugu ordainetan

Erabiltzailearen aurpegia Azkoitia 2

Azkoitian pil-pilean dugu zaborraren bilketaren inguruko bideoa. Azkoitia Zero Zabor taldean bi urte daramatzagu PNV-ko udalak zaborren inguru...
Azkoitiko udal gobernua 'arduragabekeriaz' jokatzen ari dela uste du EH Bilduk

Azkoitia

Polemika sortu du sare sozialetan Aizpurutxon egindako zabor bilketak, eta horren harira, Azkoitiko EH Bilduk oharra kaleratu du. "Arduragabekeria"...
Mankomunitateak dio Azkoitiko Udalaren gain dagoela hondakinen bilketaren ardura osoa

Azkoitia 2

Azken orduotan sare sozialen bidez zabaltzen ari den Aizpurutxoko bideo baten harira, Urola Erdiko Mankomunitateak honakoa adierazi nahi du:

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide