Kataluniako politikari eta eragileen azken espetxeratzeak salatzeko elkarretaratzeak egingo dituzte bihar, igandea, Hego Euskal Herriko hainbat herri eta hiriburutan, 12:00etan, udaletxeen aurrean. Kataluniarekin bat, demokrazia, askatasuna lelopean, plazak betetzeko deia zabaldu dute protestaren deitzaileek EH Bildu, ELA, LAB, ESK, Steilas, Hiru, CNT, Etxalde, EHNE eta Gure Esku Dago.
Asteburu honetan ere, Torre Zuri erakusketa aretoan AZKOITIAZPEITIA maratoi erdiaren inguruko argazki erakusketa ikusteko aukera izango da. Gaur, ostirala, 18:00etatik 20:00etara egongo da irekita. Zapatuan, berriz, goizez 12:00etatik 14:00etara eta arratsaldez 18:00etatik 20:00etara irekiko dute, eta igandean, goizez bakarrik. Azpeitiko Argazki Elkarteko argazkilarien eta Felix Sánchez argazkilari oinatiarraren lanek osatzen dute erakusketa.