Loteriako txartel bakoitzak 5 euro balio ditu, eta sari nagusi bat izango da: irabazleak 30.000 euro jasoko ditu. Hala ere, hori ez da sari bakarra izango: 1.000 euroko beste hamar sari ere banatuko dira. Zozketa urtarrilaren 16an egingo dute, notario aurrean.
Euskal Herri osoan salgai dago, jada, Gure Esku Dagoren loteria. Erabakiaren aroa sostengatzea du helburu, dinamikaren aurrera begirako proiektua finantzatzea eta, era berean, nazio izaera duen errifa-loteria indartsu bat martxan jartzea.
Urteberriko Saria garrantzi handiko ekimena izango da datozen hilabeteetan, bai dinamikarentzat eta baita euskal herritarrontzat ere.