Baikarako formazio taldeko gizarte-pedagogoaren eskutik izango dira hiru hitzaldiak. Martxoaren 6an eta 13an, 18:00etatik 19:30era, Aniztasunetik, genero berdintasunera gaitzat hartuta, familian ardura eta berdintasuna piztea eta sustatzea izango dituzte helburu.
Martxoaren 20ko hitzaldia 18:00etatik 20:00etara izango da, eta bestelako gai bat landuko dute: Bideojokoak eta jokoak sarean. Gaur egun seme-alabek gehien ezagutzen dituzten bideojokoak ezagutu eta horiek izan ditzaketen arriskuak identifikatuko dituzte, familiatik zein muga jarri behar diren argitu ahal izateko.
Jarraituko den metodologia aktiboa izango da, elkarrekin esperientziak partekatuz gauzatuko da. Hitzaldietan parte hartzeko gonbitea luzatu dute guraso elkartetik, eta jakinarazi dute izena ematea ez dela beharrezkoa izango.