Koloretako mundu baten alde
2018-05-17 15:38
Gizartea
Gaur, maiatzak 17, LGTBIaren —Homofobia, Lesbofobia, Transfobia eta Bifobia— aurkako nazioarteko da. Xabier Munibe Ikastolako ikasleek, irakasleek eta gurasoek bazterkeriarik gabeko mundua aldarrikatu dute Ikastolako atarian kartel koloretsuekin eta musikaz lagunduta.
Xabier Munibe LH6ko ikasleak azpitxapeldun Txerloiko futbol finalean
2018-05-12 20:33
Kirola
LH6 mailako ikasleek euripean jokatu dute futbol finala arratsaldean. Xabier Munibe A taldeak joko dotorea eginagatik, ezin izan dio Karmelo Etxegarai A taldeari irabazi. Azken minutuak zirraragarriak izan dira, bat eta lauko markagailutik hiru eta laukora estutu dutelako Ikastolako mutilek. Azken minutuetan gehiago merezi arren, azpitxapeldunaren saria txapeldun handiek bezala ospatu dute Txerloiako berdegunean.
Futbol finalak eta jolasak, asteburuan
2018-05-10 10:53
Kirola
Datorren zapatuan, maiatzak 12, futbol finalak eta jolasak jokatuko dituzte LHko ikasleek. Txikienek, LH3, LH4 eta LH5 mailako ikasleek, jolasak egingo dituzte Azpeitiko Garmendipe futbol zelaian. LH6 mailako ikasleek, berriz, finala jokatuko dute Txerloia futbol zelaian.
Mendi irteera eta tenisa LHko ikasleentzat
2018-05-04 09:34
Kirola
Mendi irteera eta tenisa antolatu ditu biharko Eskola Kirol kontseiluak. Mendiko irteera LH3, LH4 eta LH5eko ikasleentzat dago zuzenduta, eta tenisa LH6ko neska-mutilentzat.
Xabier Munibe ikastolako ikasleak eta gurasoak ere Marea Urdina dira
2018-04-13 17:36
Gizartea
Ehunka ikaslek eta gurasok parte hartu dute Marea Urdina babesteko ekitaldian, Xabier Munibe ikastolako Udaberri guraso elkarteak antolatuta. Marea urdina naiz kanpainaren barruan, guraso elkarteak 200 euroko ekarpena egin dio Mare Urdina egitasmoari. Gaur arratsaldean taldeko argazkia atera dute ikastolako jolastokian ehunka lagunek elkarrekin, atxikimendu horren adierazle.
Udaberri guraso elkarteak Marea Urdina egitasmoa babestuko du
2018-04-10 09:13
Gizartea
Marea urdina naiz kanpainaren barruan, Xabier Munibe Ikastolako Udaberri guraso elkarteak Marea Urdinari babesa eman dio, eta 200 euroko ekarpena egin dio egitasmoari. Guraso elkarteak Marea Urdinari atxikimendua adierazteko taldeko argazkia aterako du ostiral honetan Xabier Munibeko jolas tokian, 17:00etan. Ikastolako gurasoak eta haurrak gonbidatuta daude ekitaldi horretara.
Sarea izan zuten hizpide hitzaldi zikloaren azken saioan
2018-03-21 14:00
Hezkuntza
Baikarako formazio taldeko gizarte pedagogoaren eskutik Sare sozialak, bideo jokoak eta jokoak sarean gaia aztertu zuten Udaberri Guraso Elkarteak antolatutako hitzaldi zikloaren azken saioan. Hainbat gairen artean, guraso kontrola izan zuten hizpide nagusia.
Gurasoei zuzendutako hitzaldia asteartean Elkargunean: 'Bideojokoak eta jokoak sarean'
2018-03-19 11:24
Hezkuntza
Haur Hezkuntzako eta Lehen Hezkuntzako gurasoei zuzendutako hirugarren hitzaldia antolatu du Udaberri Guraso Elkarteak. Martxoaren 20an, asteartea, izango dira solasaldiak, Elkarguneko Oteiza aretoan, 18:00etatik 20:00era. Hitzaldian Bideojokoak eta jokoak sarean gaia jorratuko dute, Baikarako formazio taldeko gizarte-pedagogoaren eskutik. Besteak beste, guraso kontrolari buruz mintzatuko da hizlaria biharko hitzaldian.
Gurasoei zuzendutako hitzaldia: 'Bideojokoak eta jokoak sarean'
2018/03/20 18:00 - 20:00
Elkargunea | Azkoitia |HitzaldiaHaur Hezkuntzako eta Lehen Hezkuntzako gurasoei zuzendutako hirugarren hitzaldia antolatu du Udaberri Guraso Elkarteak. Martxoaren 20an, asteartea, izango dira solasaldiak, Elkarguneko Oteiza aretoan, 18:00etatik 20:00era. Hitzaldian Bideojokoak eta jokoak sarean gaia jorratuko dute, Baikarako formazio taldeko gizarte-pedagogoaren eskutik.
Bideojokoak eta jokoak sarean lemapean, gaur egun seme-alabek gehien ezagutzen dituzten bideojokoak ezagutu eta horiek izan ditzaketen arriskuak identifikatuko dituzte, familiatik zein muga jarri behar diren argitu ahal izateko.
Jarraituko den metodologia aktiboa izango da, elkarrekin esperientziak partekatuz gauzatuko da. Hitzaldietan parte hartzeko gonbitea luzatu dute guraso elkartetik, eta jakinarazi dute izena ematea ez dela beharrezkoa izango.
'Aniztasunetik, genero berdintasunera', gurasoei zuzendutako bigarren hitzaldia bihar
2018-03-12 20:26
Hezkuntza
Udaberri Guraso Elkarteak antolatuta, 'Aniztasunetik, genero berdintasunera' izenburupean, bigarren solasaldia izango da bihar, asteartea. Haur Hezkuntzako eta Lehen Hezkuntzako gurasoei bideratuta dago saioa, eta Baikarako formazio taldeko gizarte-pedagogoak gidatuko du.
Udaberri Guraso Elkartea