Anaitasuna futbol taldea hasi da datorren denboraldirako taldea osatzen. Iker Muruaren fitxaketa iragarri zuen klubak duela aste batzuk, eta Gorka Cresporena oraintsu; hain zuzen ere, bigarren fitxaketa da Anaitasunak gizonen talderako egin berri duena.
Tolosarra da Crespo, 19 urte ditu, bi hegaletan jokatu izan du, eta 2022-23 denboraldian Antiguokon jokatu du, Ohorezko Jubenilen Mailan. Gaurtik Txema Añibarro entrenatzailearen aginduetara ariko da Crespo.