Eider Mendoza EAJren ahaldungai nagusia Azkoitian izan da gaur, asteartea, goizean. Foru hauteskundeetarako kanpainaren barruan, herriz herri dabil azken egunotan Mendoza, eta gaur Azkoitian izan da hura herriko EAJren hautagaiek lagunduta. Hain justu, haiekin solasean aritu da hura, eta Azkoitirako dituzten proiektuak eta egitasmoak ezagutu ditu.
Azkoitia eta Urretxu lotzen dituen errepideko lanak amaitu berri, Aizpurutxon ere izan da ahaldungai nagusia Ana Azkoitia eta Jon Luqui Urretxuko EAJren alkategaiekin batera. GI-631 errepidea hobetzea "proiektu estrategikoetako bat" dela nabarmendu du Mendozak.