- Xalbadorren heriotzean (Xabier Lete): "Betidanik gustatu izan zait abesti hau. Xabierrek sentimenduz betetako ahotsarekin kantatutako abestia da. Uste dut pare parean datorkiola abestiari bere ahotsa".
- Txoriak txori (Mikel Laboa): "Gaztetatik abesti hau izan da gure ereserkia. Gainera, pandemia garaian ere ia egunero abesten genuen balkoira irteten ginen bakoitzean. Esanahi handia du abestiak, eta betidanik eman izan dit zerbait berezia".
- Baldorba (Benito Lertxundi): "Gustukoa dut Benitoren kantatzeko era. Abestian kantatzen den harana ikustera ere joan ginen duela urte batzuk, eta zirrara berezia sortu zuen nigan bailara ikusten nuen bitartean autoan Benitoren abestia entzuteak".
- Mendian gora (Imanol Larzabal): "Kantatzen duen moduan kantatuta, Imanolen abesti asko gustatu izan zaizkit. Bat hautatzekotan, ordea, Amurizaren bertsoekin egindako Mendian gora hautatuko nuke".
- Bizkaiko txerriari jarriak (Antton Valverde, Julen Lekuona eta Xabier Lete): "Umore aldetik jotzea erabaki dut abesti hau aukeratzerakoan. Antton Valverde beti gustatu izan zait musikari eta letragile bezala. Bertso barregarriak dira Bizkaiko txerriari jarriak".