Azkoitiko Udalak euskarara bideratutako dirulaguntzak eskatzeko epea zabalik du. 2021-2022 ikasturtean euskara ikasi ala maila hobetu duten Azkotian erroldatutako herritarrek badute udalari beka eskatzea. Ostiralean, hilak 30, izango dute horiek dirulaguntza eskatzeko azken eguna. Eskaera Azkoitiko Udalaren dirulaguntzen eta tramiteen atalean egin beharko dute eskatzaileek. Eskaera telematikoki zein aurrez aurre egin ahal izango da Herritarren Arreta Bulegoan.
Era berean, saltokientzat eta enpresentzat laguntzak ere emango ditu udalak. Horiek urriaren 31 arte eska dezakete dirulaguntza kanpoko errotulua, webgunea, programa informatikoa, irudi korporatiboa eta publizitatea euskaraz egiteko. Informazioa eta eskaerak eskuragarri daude udalaren dirulaguntzen eta tramiteen ataletan. Bestalde, udalak nabarmendu du enpresetan euskara planak egiteko dirulaguntza deialdia aurrerago aterako duela.
Honako lotura honetan ikus daiteke euskarara bideratutako dirulaguntzen oinarriak.