Andremarietako Film Laburren Lehiaketaren hamargarren ediziora sei lan aurkeztu dituzte herritarrek. Atzo bukatu zen ikus-entzunezkoak aurkezteko epea, eta udalak jaso dituen sei lanak hilaren 15ean, Andremari egunez, ikusi ahal izango dira, 22:00etan hasita, plazan.
Gezurra da aurtengo lehiaketarako gaia, eta lanek gehienez hamabi minutuko iraupena izango dute. Film labur guztiak ikustean, azken edizioetan bezala, aurten ere bi sari banatuko ditu udalak: epaimahaiaren saria eta ikusleen saria. Sari bakoitzaren irabazleak 300 euro eta oroigarria jasoko ditu.
Honako lotura honetan ikus daitezke 2019ko film laburren lehiaketara aurkeztutako ikus-entzunezko guztiak.
