- Ez gaude konforme (Lourdes Iriondo): "Garai beltz eta beldurgarri haietan, ikaragarria zen emakume batek euskaraz 'ez gaude konforme' eta 'mundu berriago bat' aldarrikatzea. Ederra izan zen, sasoi hartan, herriagatik lanera bultzatzen gintuelako kanta hark”.
- Izotz ondoko eguzki (Xabier Lete): "Lizardirenak dira abestiaren bertso zoragarriak. Euskarak eta abertzaletasunak bizitako urte gogorren ondoren, lau urtaroetan argia azaldu nahi duten hitzak dira. Izotzaren gainetik, gazteriaren eskutik: 'Izotzak estali zuen Euskal Herria… baina haren gainetik jauntzen eguzkia'”.
- Gure bazterrak (Mikel Laboa): "Joxean Artzeren olerkiz egindako abesti zoragarria da. Hunkigarria da benetan niretzat, abesti bat baino gehiago. Meditazio, otoitz… nire baitan sortzen dituen bazter miresgarrietan murgilarazten nau".
- Erribera (Benito Lertxundi): "Abesti goxoa, pentsarazi egiten duena. Ezjakintasuna medio, hain urrun ikusten genuena, eta gaur egun gure etxe sentitzen dugun eta gurea izatea nahi dugun lurraldea".
- Markesaren alaba (Txomin Artola eta Amaia Zubiria): "Amak irakatsitakoak dira bertso hauek, entzun ere egiten ez zirenean. 21 bertso dira, baina sarritan abesten ditut. Duen istorioaz aparte, tristea noski, niretzat beste sentimendu maila bat dauka".