Maxixatzen euskara elkarteak antolatuta eta Azkoitiko Udalak babestuta, Geure Gelatik liburu azoka egingo dute apirilaren 1etik 3ra Azkoitian. Hain zuzen, Elkarguneko Herriko plaza aretoak hartuko du Maxixatzen euskata elkarteak berreskuratutako azoka.
Aurtengoan, euskal literaturaz gain, emakumeen lana jarri dute erdigunean, eta horiexek izango dira protagonistak. Gaur egin dute azoka aurkezteko prentsaurrekoa, eta bertan izan dira Maxixatzen elkarteko Julen Garate, Euskal Editoreen Elkarteko lehendakari Carmen Elvira, Susa argitaletxeko Leire Lopez eta Azkoitiko Udaleko Berdintasun zinegotzi Mertxe Zubillaga. Egitarau oparoa eta mamitsua prestatu dute, eta apirilaren 1ean, ostiralez, irekiko dituzte ateak 17:00etan. Susa argitaletxeko Leire Lopezek eman ditu egitarauaren inguruko xehetasunak.
