Urbanue autobusaren zerbitzuan aldaketak izango dira bihar

Ihintza Elustondo 2021ko eka. 24a, 15:21

Juniorren Gipuzkoako XXXI. Itzuliaren atariko etapa Azkoitian jokatuko dute bihar. Hori horrela, Urbanue autobusa ez da Santa Klarako geltokian geratuko 17:00etatik 19:00etara. 

Juniorren Gipuzkoako XXXI. Itzulia Azkoitian hasiko da bihar, ostirala. Txirrindularitza proba hori herrigunean jokatuko denez, Urbanue autobusa ez da Santa Klarako geltokian geratuko 17:00etatik 19:00etara bitartean.

Lehen txirrindularia 17:15ean abiatuko da Santa Klara kaletik, eta 30 segundo beranduago aterako da hurrengoa. Guztira, ia lau kilometroko ibilbidea egingo dute txirrindulariek. Gipuzkoako Itzuliaren atariko etapa izango da Azkoitikoa.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide