Eusko Jaurlaritzak agindu dituen neurri berriak direla eta, Baztartxon asteburuan ematekoak ziren film emanaldien ordutegietan aldaketak iragarri dituzte antzokiko arduradunek. Gaur 19:00etarako Urola Bizirik taldeak antolatutako Aralar: mundua leku den lurra dokumentala bere horretan mantenduko dute; 19:00etan hasiko da. Aldaketak bihartik, zapatua, aurrera izango dira. Zinetogramek larunbaterako antolatutako El lago del ganso salvaje zine foruma 19:30etik 18:30era aurreratu dute.
Igandean, berriz, haurrentzako filmak 17:00etan hasi ohi dira, baina igande honetako El arco mágico film emanaldia 16:30ean hasiko da. Helduentzako Una pastelería en Notting Hill filma ere ordu erdi aurreratu dute, eta beraz, 19:00etan hasiko da igande honetan. Astelehenetako film emanaldia ere 20:00etatik 19:00etara aurreratu dute. Astelehenekoa, ohi bezala, ikuslearen eguna izango da; Una pastelería en Notting Hill filma eskainiko dute astelehenean ere.