COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, Gizarte Politikako Departamentuak Gipuzkoako adinekoen egoitza eta eguneko zentro guztien aldi baterako itxiera erabaki du, Azkoitiko San Jose egoitza tartean.
Erabaki honen aurretik, egoiliarrek pertsona bakarraren bisita jaso zezaketen egunean zehar, eta egoitzan sartzerako orduan kontrol neurriak pasa behar izaten zituzten bisitariek, tenperatura hartzea kasu. Atzo arratsaldean hartutako neurriaren ondoren, adinekoen egoitzak itxita egongo dira. Egoiliarrek ezingo dute bisitarik jaso, baina senitartekoekin bideokonferentzien bidez jarri ahal izango dute harremanetan.
Egoitzekin batera, eguneko zentroak ixteko egindua ere eman du aldundiko Gizarte Politikako Departamentuak. Hala, zerbitzu hauek etenda geratuko dira, eta aiton-amonek etxean geratu beharko dute agindu berririk eman arte.