Koronabirusaren hedapena saihesteko asmoz, neurri asko hartzen hasi dira herriko eragileak. Atzotik ikastetxe guztiak itxita daude ikasleentzat, eta beste hainbat ekitaldi bertan behera gelditu dira COVID-19 gaixotasunaren eraginez. Kalean ere ohi baino jende gutxiago ikusi da lehen orduetan, baina herriko janari saltokietan eta supermerkatuetan jende asko ibili da. Parkeetan, berriz, lasaitasuna izan da nagusi.
Udala, bilduta
Udala goizeko lehen ordutik bilduta dago koronabirusaren bueltan hartu beharreko erabakiak adosteko. Ondoren, bozeramaile batzordea bilduko da eta ondoren jakinaraziko ditu neurriak.