Gazte Geroak hainbat hitzaldi antolatu du datozen hilabeteetarako, eta atzo, osteguna, izan zen lehen saioa. Zahartzaroaz solasean izenburupean, Matia Fundazioko Mari Karmen Garmendia presidenteak, Gerardo Amunarriz zuzendariak eta Maider Azurmendi kooperazio arduradunak eskaini zuten solasaldia. Dozenaka herritar joan zen Elkargunera Matia Fundazioko kideen saioa entzutera, eta Euskadi Lagunkoia eta Etxean Bizi proiektuen inguruan gehiago jakiteko aukera izan zuten herritarrek hitzaldian.
