Gorka Torre Behorlegiko (Behe Nafarroa) nekazariaren izango da solaskidea. Bere baratzean sortzen duen elikadurarekin bizitzeko aski duen nekazaria da Torre. Duela zortzi urte hasi zuen beharrezkoa duen elikadura bere baratzean sortzeko proiektua, eta lortu du helburua. Hainbat baratza ditu Behorlegin zehar, eta dozenaka elikagai sortzen ditu urte osorako. Garaian garaikoa jaten dute, hozkailuen beharrik gabe. Elektrizitatearen kontsumo arduratsua defendatzen du, gainera, Torrek.
Maxixatzenek antolatzen dituen V. Maiatzeko Loren baitan, maiatzaren 17an, Floreaga Ikastetxearekin elkarlanean antolatuta, bertso saioa izango da Floreagako On Bosco aretoan. Aitor Mendiluze, Oihana Iguaran, Sebastian Lizaso eta Andoni Egaña bertsolariak Azkoitian izango dira. Juan Inazio Sudupe arituko da gai jartzaile lanetan. Bertso saioa ikusteko sarrerak bazkideen artean banatuko ditu Maxixatzenek.
Datorren ostiralean, maiatzak 17, Natali taldeak kontzertua emango du Zurt tabernan, 23:00etan.