Kanku Anaitasuna Karate elkarteak datorren zapatuan, abenduak 15, emango du hileroko autodefentsa saioa. Kanku Anaitasuna Elkartean izango da, 10:00etatik 12:00etara.
Oteiza Pilota Kirol Elkarteak antolatuta, Maila Nagusiko eskuz banakako final laurdenetako partida jokatuko da Gurea pilotalekuan abenduaren 15ean, larunbata, 11:30ean. Juaristi, A eta Soraluze-Balerdi arituko dira.
Intsausti Jauregiko pianofortea bueltan da. Datorren zapatuan, abenduak 15, egindo dute aurkezpen ekitaldia Intsausti Jauregian. Aurkezpen ekitaldia, 11:30ean hasiko da.
Ramon Oñederra Kattu-ren (Azkoitia, 1960-1983) omenezko ekitaldia izango da abenduaren 15ean herrian. Mendi irteera egingo dute Madariagara, eta 10:00ak aldera zuhaitza landatuko dute auzoan; ondoren hamarretakoa egingo dute. Madariagatik jaitsitakoan, 13:00etan, ekitaldia egingo dute plazan. 14:30ean, berriz, bazkaria egingo dute Orbela tabernan. 35 urte beteko dira abenduaren 19an GALek Ramon Oñederra Kattu hil zuela.
Ohorezko Mailako mutilek Tolosa hirugarren sailkatua hartuko du, Txerloian.