Larunbata, azaroak 25

'Bizkaia' emanaldia

'BIZKAIA' izango da aurtengo San Andres jaien barne azaroaren 25ean, 18:00etan, estrainekoz taularatuko den ikuskizun berria. Ordubete eskas iraungo duen ikuskizuna, Iraurgi abesbatzak, Azkoitiko musika bandak etaSahatsa dantza taldeak elkarlanean osatua izan da. Pablo Sorozabalen lanak eta gaiarengatik edo erritmoengatik nolabaiteko lotura duten JesusGuridi musikari handiarenak, doinu eta abesti herrikoiak eta Benito Lertxundiren doinu etaabesti kontenporaneoagokoek gozatzen duten ikusgarria da gozagai. Mendez-mende iraun duten dantza tradizionalez gain, ikusizunean zehar taula gainean sortukodiren musika tresnen eta ahotsen doinuei, sortu berri diren landutako koreografiek gozatukodute irudia. Hasiera hunkigarri eta bukaera polita dituen ikuskizuna da 'BIZKAIA'.

Igeriketako San Andres Saria

Ate-joka ditugu San Andres jaiak, eta urtero bezala, hitzordu berezia dute herriko igerilariek. Zubiaurre Igeri Elkarteak antolatuta, San Andres Saria txapelketa hartuko dute Elkargunean. Festa eta lehia uztartuta, hainbat froga egingo dituzte taldeko igerilari gazteenek.

'Women in black' ekitaldia

Indarkeria Matxistaren Kontrako Nazioarteko Eguna da azaroaren 25a, eta hori dela-eta Woman in black ekitaldia antolatu du Sostenipek zapatu honetarako. Ekitaldia 18:30ean izango da, plazan. Beltzez jantzi eta lurrean etzango dira, eraildako emakume denak irudikatzeko. Ondoren, 19:00etan, kontzentrazioa egingo dute. Herritarrak beltzez jantzita joateko deia egin du talde feministak.

16:30

Azkoitiko XIII. Herri Lasterketa

22:00

Helduen danborrada