Pello Benitez Zubiaurreko Igeriketa Klubeko entrenatzaileak eta Zubiaurre Master taldeko kideak jaso du, aurten, Gipuzkoako Master Onenaren saria. Joan den larunbatean, Legazpiko (Gipuzkoa) Bikuña kiroldegian jokatu zuten Gipuzkoako master mailako Open Txapelketan hartu zuen parte, eta han lortu zuen garaikurra azkoitiarrak. Bikuña Kiroldegian jokatu zuten txapelketa, eta Zubiaurreko hainbat igerilarik hartu zuten parte. Ikusi emaitzak.
Azpeitian eta Eibarren
Bestalde, Azpeitiko Udal Kiroldegian Neguko Liga Probintzialeko laugarren jardunaldia jokatu zuten, eta han ere, lan txukuna egin zuten igerilari azkoitiarrek. Ikusi emaitzak.
Eibarko kiroldegian, berriz, XXXII. Igeriketako Gabon Kopa jokatu zuten, eta Zubiaurreko 60 igerilarik parte hartu zuten. Domina ugari lortuta itzuli ziren etxera taldeko gazteenak, festa giroan arratsaldean igarota.