Gaia: Zurrumurrua
Doinua: Iparragirre abila dela
Jakingo nuke kotxe hortarako
dirua nondik lortu dun.
Bestea berriz ezkondua ta
ixkutuan hiru lagun.
Gure etxepeko neska
lehen aldia ezta
berriz omen dago haurdun.
Herri txikitan sarri egiten da
jarduteagatik jardun. (bis)
Ahoz ahoko zurrumurrutan
jarri dezagun arreta.
Ordu gutxitan istori batek
ematen ditu sei buelta
bat besteari hasi
horrek hura nahasi
hitz galduen berriketa.
Kontuz ibili beharra dago
mina eman dezake ta. (bis)