Eskaerak Udaleko Erregistro Nagusian egin behar dira, kasuan kasuko agiriak aurkeztuta. Deialdiaren oinarriak eta informazio osoa udaletxeko harreran edo lotura honetan duzue eskuragai.
Euskara ikasteko diru-laguntzen kasuan, Euskaltegian neguko eta udako ikastaroak, ikastaro trinko, autoikaskuntza eta internet bidez ikastaroak egin eta gainditzen dituztenei matrikularen %70a ordainduko zaie (gehienez, 350 euro). Barnetegian ikastaroak egin eta gainditzen dituztenei, matrikula, jatordu eta egoitza gastuen %70a ordainduko zaie, betiere 1.050 euroko mugarekin. Urtero eskatzaileko gehienezko laguntza 1.400 eurokoa izango da.
UEU, EHU eta HIK HASIren uda ikastaroetarako diru-laguntzei dagokionez, matrikularen eta ez egonaldiaren, kostuaren %75a ordainduko du Udalak ikasle, langabetu, 14.000 eurotik beherako errenta duten pertsonak, 15.000 eurotik beherako diru-sarrerak dituzten bizikidetzako unitateak, erretiratu nahiz pentsiodunei, eta %25a lanean ari direnei. Nolanahi ere, diru-laguntza ez da 150 eurotik gorakoa izango.
