Gaia: Kalera
Doinua: Euskal Herriko lur maite hartan
Balkoi ertzera arrimatu ta
ikusten dut parez pare
herriko hainbat adinekoren
bizitoki paregabe
esku abilen, esku gozoen
ta zaintza bikainen sare
distantziari erreparatuz
akats bat badu halare
etxetik gertu egonagatik
herritik urruti daude.
Egunen baten iristen banaiz
haien denen adinera
esku-eskura eduki nahi dut
bizi duin baten aukera
bisitak jaso, Plaza Berrira
joan kafe bat hartzera,
herrian bizi, erdian bizi
ta ez ertzetik ertzera,
gaur han daudenak gerturatzeko
jaitsi EGOITZA KALERA.