Juan Carlos Merino Maxixatzeneko kolaboratzailea hil zen, atzo. Maxixatzenek hasieratik bertatik bidelagun izan du Merino idazlea. Hainbat eratara aritu izan da gurekin elkarlanean: zutabeak, artikulu luzeak, ipuin laburrak eta kontakizun luzeagoak idazten, elkarteko lanean, euskaltzaletasuna bultzatzen, Maxixatzeni jendaurrean babesa ematen …
Sentiberatasun handiko pertsona izanik, ibilbide literario ez ohiko bezain interesgarria jorratu du Merinok, eta narrazio erotikoetan nabarmendu izan da bereziki, Literatura sailean eta beste.
Gaur arratsaldeko 19:00etan izango da hileta-elizkizuna Azkoitiko parrokian.
Merinok euskara elkartean eta herri-komunikabidean egindako ekarpena eskertu nahi du Maxixatzenek lerro hauen bidez. Omenaldi xume gisa, bere hitzak ekarri nahi ditugu gogora. Horra, 2012ko uztailean, Aitor Arrutik Merinori egindako elkarrizketa: