Topaguneak bultzatutako zirkuitua da LABURBIRA.Hamahirugarren edizio honetan, euskarazko zortzi ekoizpen fresko-fresko dakartza, istorio hunkigarriz kargatuta. Izan ere, euskarazko ikus-entzunezkoen sortzaileek ez dute etenik, kalitatezko lanak egiten jarraitzen dute.
Zirkuitu ibiltari honen helburu nagusia da euskarazko sortzaileen lana ezagutaraztea, euskaraz ekoizten jarraitu dezaten aukera emanez eta ikusleei geurean sortutako perla hauez gozaraztea.
Beraz, aurten ere Euskal Herriko eta diasporako hainbat herritan izango da Laburbira. Hona hemen, XIII.Laburbira osotzen duten 8 lanak:
- ZEA BINGO. 2015 (7´). Ane Urkiola
- ERREPLIKA. 2015 (14´30´´). Iñigo Gaiton Gonzalez de Txabarri
- JORRAI.2015 (3´). Uda Films.
- FISHURA. 2015 (6´45´´). Yago Mateo.
- BERE BIZITZETAKO BAT. 2014 (8´). Aitor Gametxo
- BRUNILDA. 2015 (12´50´´). Eriz Alberdi.
- HARTZ TXIKI. 2015 (16´30´´). “The Arlotes”, Uraitz Soubies.
- SEMEAK. 2015 (7´25´´). Iker Azkoitia.
Ostiralean, martxoak 11, iluntzeko 22:00etan Baztartxon ikusi ahal izango ditugu zortzi lanak. Sarrera 3 €-koa izango da eta Maxixatzeneko bazkideek doan sartu ahal izango dute.