Ez daukat
zure eskakizuna betetzeko
inolako arazorik,
baina garbi izan
neuk nahi dudalako
beteko dudala,
ez zuk agintzen didazulako.
Agintzea libre da,
baita jaramonik ez egitea ere.
Halako agintea,
halako erantzuna.
Zure agindupeko
nahi nauzun arren,
ez naiz zurea,
librea naiz.
Ez ahaztu
zure aginduak betetzera
beharturik ez dagoen
pertsona askea naizela.
Zer nahi duzu?
Maite Arrate