Zure bikotearen boterea
zurea balitz bezala hartu,
eta zure bestelako eginkizun guztiak
albo batera utzi dituzu.
Zure bikotearen botereaz itsuturik,
zure izana
albo batera utzi duzu.
Zure eginkizun bakarra
zure bikoteari jarraitzea izan da,
txakurrak ugazabari jarraitzen dion moduan.
Konturatu gabe,
pixkanaka-pixkanaka
zeure burua ezabatzen joan zara.
Boterearen indarra
hain da boteretsua!
Bikotearen boterea
hain da dirdiratsua!
Sarritan pentsatu dut
bikoteaz ala bikotearen botereaz
maiteminduta ote zauden!
Baina orain,
utzi zaituen une honetan,
zer egin behar duzu?
Merezi al zuen?
Maite Arrate