Maiatzean ere zuzeneko hitzaldiak jarraitzeko aukera eskainiko du KZguneak Youtubeko bere kanalean. Aurrekoetan bezala, edonork izango du hitzaldi horiek jarraitzeko aukera, Internetera konexioa izatea besterik ez da behar, eta ez dago aurrez izena eman beharrik.
Euskaraz zein gaztelaniaz emango dituzte zuzeneko hitzaldiak, gai beraren gainean bana, egun desberdinetan. Hau da euskarazko eskaintzaren egutegia:
- Egin itzazu bisita birtualak munduko museorik onenetan. Maiatzaren 4an, 12:00etatik 12:30era, lotura honetan.
- Atera etekin guztia Google Autori. Maiatzaren 11n, 19:00etatik 19:30era, lotura honetan.
- Zure mediku hitzordua eskatu Internet bidez. Maiatzaren 18an, 12:00etatik 12:30era, lotura honetan.
- Komunikatu Whatsappekin: bideo deiak eta argazki partekatzeak. Maiatzaren 25ean, 19:00etatik 19:30era, lotura honetan.
Hitzaldiak zuzenean jarraitzeko modurik ez dutenentzat, guzti-guztiak grabatu eta Youtubeko kanalean bertan gordetzen dituela gogorarazi du KZguneak.