Ekitaldi nagusia joaldunek egindako desfileek osatzen dute: bata, astelehenean, Iturengo kaleetatik, eta bestea, berriz, asteartean, Zubietakoetatik. Bi egunez, joaldunek bi herrietako kaleak hartzen dituzte. Joaldunak bi lerrotan desfilatzen dute, mugimendu eritmiko eta pausatuekin, zintzarrien doinu bateratua lortuz. Naturari estu lotutako errito baten itxura hartzen du desfileak. Uste da, zintzarriekin lortzen den soinuarekin espiritu txarrak uxatzen direla eta inguruko lurretan lo dauden energiak iratzarri. Gaur egun, pertsona heldu naiz gazte, gizonezko naiz emakumezko, izaten ohi dira zintzarriei doinua ateratzen dietenak.