Azkoitiarrek marraztutako oihal zati guztiak elkartuko dituzte zapatuan. Oihal bakoitzak hogei lagun ordezkatzen ditu, eta berauei dagokie esaldi eta marrazkiekin oihala apaintzea.
Gure Esku Dago ekimenaren helburu nagusia hautestontzi erraldoi bat osatzea da, hainbat herritako oihal zatiekin. Hautestontziak Donostian, Bilbon, Iruñan eta Gasteizen osatuko dituzte, ekainaren 21ean. Bitartean, eguna iritsi aurretik, josteari ekingo diote inguruko herri eta auzoetan.
Joseba Felixen hitzaldia asteartean Elkargunean
"Bideragarria ote da euskal estatu independentea?" izenpean, Joseba Felixen hitzaldia antolatu du Azkoitiko Gure Esku Dagok. Apirilaren 28an izango da mintzaldia Elkargunean, 19:00etan.