Torrezurin eskuratu daitezke Euskaraldiko txapak eta banderak

Erabiltzailearen aurpegia

Gaurtik, astelehena, ostegunera bitartean Euskaraldiko txapak eta banderak jasotzeko aukera dago Torrezuri erakusketa aretoan. Horrez gain, ahobizi edota belarriprest gisara izena ere eman daiteke bertan. 12:00etatik 13:00etara eta 17:30etik 19:30era zabalduko dute Torrezuri.

Gaur, astelehena, hasi dira Euskaraldiko belarriprest eta ahobizi txapak banatzen Torrezuri erakusketa aretoan. Ostegunera bitartean egongo da bertan txapak eta banderak jasotzeko aukera, 12:00etatik 13:00etara nahiz 17:30etik 19:30era. Euskaraldian aurrez izena eman gabe dutenek ere izango dute horretarako aukera.

Bestalde, Maxixatzen Euskaldunon Elkarteak balkoietan jartzeko Euskaraldiaren banderatxoak banatuko ditu bazkideen artean, eta Torrezurin eskuratu ahal izango dira horiek ere. Bazkide ez direnek, berriz, bost euroren truke lortzeko aukera izango dute. Azaroaren 20an hasiko da Euskaraldia.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide