Eusko Legebiltzarreko hauteskunde egunean, apirilaren 21ean, bozkatzera joan ezin dutenek, korreo bidez botoa emateko aukera izango dute. Horretarako laguntza zerbitzua eskainiko du Azkoitiko EAJk, eta botoa tramitatzeko aukera ahalbidetuko du Batzokian (Julio Urkixo, 11).
Honako ordutegian bertaratu ahal izango dira herritarrak: astearte eta ostegunetan 10:30etik 12:00etara, datorren asteartetik aurrera. Nahi duenak, 943-85 20 51 telefono zenbakira deituta ere egin ahal izango du tramitea.
Kanpoan daudenak, mugikortasun arazoren bat dutenak zein beste arrazoiren batengatik bozkatzera joan ezin dutenak posta bidezko botoa eskatzera animatu ditu taldeak.