maxixatzen.eus

Azkoiti bizi eta alai baten alde

Erabiltzailearen aurpegia   Gizartea

Azkoitiko tabernariok sinadura bilketa abiatuko dugu, azkenaldian Udalak tabernarioi jarritako debekuak direla eta. Hori horrela, idatzi hau egin dugu oztopo horiek salatzeko:

 

Azkenaldian Udalak tabernarion lanari jarritako oztopoak ikusita, 242 sinaduren (herrikoak?) aitzakiapean, neurri gogorrak jasaten ari gara gure eta Azkoitiko herriaren kalterako: kontzertuen debekua, ordutegi murrizketa, autobus zerbitzuak kentzea herria isolatuz...

Ondorioz, kontuan hartuta azkoitiarrok urtetan kanpora joan behar izan garela, horrenbeste lan eta esfortzu ekonomikoren ondoren, Azkoiti bizi bat lortzen ari garela ikusirik, zure sinadura eskatzen dugu, Azkoitiko tabernariok gure ekintzekin jarraitu ahal izateko.

Erantzunak

Erantzuna | #1

Oso ondo egina! Arrazoi osoa duzue...

Prozesixue ikusi ta goxokixek jateittuen herritarrak nahi dittue "herritar talde horrek".

Beaixen etxeko edukazixo problemak bestion kulpe bota...

Erantzuna | #2

azkoitiko tabernarien idatzia irakurri ondoren, arduragabezi eta hipokresi pixkat ere ikusten det bertan.

Azkoitiko herriaren kalterako ari direla esaten digute, edo, azkoitiko tabernarien poltsikoen kontra da hau?

Iruditzen zait herrian festa izatea denok nahi dugula.
Iruditzen zait gure seme alabak herrian ibiltzea ere denok nahi degula

Nahi ez duguna edo guraso talde honek nahi ez dueña, uste det behintzat, 13 edo 14 urteko umeei nahi dutena zerbitzean dagoela.

Tabernariek egiten duten lana oztopatzen ari direla esaten digute empresario hauek. Ez da hórrela, legeak dioena betetzeko besterik ez zaizue eskatzen. Alkola saldu, baina saldu behar diezuenei bakarrik.

Neurri gogorrak direla esaten digute, ez, beraiek dakizkiten neurri legalak, hau da, taberna ireki zutenean emandako baimenean agertzen direnak bakarrik betetzeko eskaera da solilik.

Eta azkenik, gure sinadura eskatzen digute..........zertarako? adintxkikoa izanda ere konbinatua saldu eta KAJA egiteko?

Nik ez dizuet siñatuko !!!!!

Erantzuna | #3

Hemen hipokresia alde denetatik dago, bai tabernariak, bai "talde" honetatik.

Tabernariak egoera honekin asko aprobetxatu dira, zenbat aldiz igo dira prezioak asken urtetetan? (Gipuzkoako zuritorik garestienak ditugu), zenbat gazteri (<15) atera zaizkio edariak?

"Talde" honetako kideek beraien seme-alabengaitik daude arduratuak, gure-seme alabak larubat gauean kalera irteten badira, denok dakigu zertarako den, ez da eliz atarian pipak jateko. Errua tabernariei botatzen diota(zerbait ba dute batzuek), baina alkohola lortzea ez da zaila(zenbatek egiten dituzte litroak?), denok izan ditugu 15 urte eta denok dakigu zer den urte hoiekin juerga bat egitea.

Nik hori esanda, nik ez dut sinatuko ez tabernarien eskaera ez "talde" honen eskaera. Hori bai, ados nago tabernariekin, festa herrian bertan egitea asko obea dela kanpoan egitea baino, eta hori galtzekotan gaude neurri hauekin.

Erantzuna | #4

Anek arrazoi duela iruditzen zait "errua" tabernariena bakarrik ez dela esaten duenean.

Gazteak kalean goizeko ordu txikitan ez daude pipak jaten, ados.

Arrazoi dezu baita ere gurasoek ere bere ardura badutela adieraztean.

Baina honek ezin du Tabernariek duten ardura alde batera ustea ekarri.

Badirudi Azkoitiko tabernariek, gaur egin duten adierazpenarekin, sekulako represio egoeran daudela aditzera eman nahi izan dutela, eta hori ez da hórrela. Egunkarietan agertu dena, eta Azkoitin gero eta gehiago gertatzen ari dena, oso oso edade txikiko neska eta mutilak mozkortu eta "coma etílico" an agertzen ari direla da eta hau, bai tabernariek edo eta alkola saltzen duten dendek nolabait kontrolatu beharko luketena da.

Jakin badakigu 16 urte batek gauen edango duela, baina hemen gertatzen ari dena da 13 urtera ere jeisten dela, eta hau kontrolatu behar da.

Gure herriko tabernarien nagusiak, herriko giroarekin arduratuta baldin badaude , Ane k dioen bezala, prezioak jeistetik asi eta herritarrak goizeko 10.00 tatik aurrera kalean ibiltzen garela gogoraraziz, agian gaueko festa hainbeste bultzatzea utzi eta egunez gabiltzanoi ere zerbait eskeini beharko liguketela pentsatu beharko lukete..

Herriko giroagatik egiten dutela esan eta bakoitzaren kajari begira hitzegiten ote dugun ere pentsatzen det askotan.

Erantzuna | #5

Bakoitza beretik eta inor ez guztien ahotik!

Betiko kontua da hau. Zer bultzatu nahi dan horren araberako erantzuna jasoko dute alde guztiek. Udal honi presioa egin ezkero dakiena egingo du: debekuak ezarri eta kontrola areagotu. Kontzertuak debekatzera ere iritsi omen dira idatzian irakurri dudanez. Orain, 13-14 urteko nerabeak ordu txikietan kalean edo lokalean egotea gurasoen ardura da huts-hutsean. Norberaren ardurak beste batzuen gainera botatzea arduragabea izatea da, besterik gabe. Denok laguntzeko prest, baina norberaren arduretatik hasita betiere (13-14 urteko nerabeak ondoko herrietara joaten hasten direnean Azkoitian egiten duten berdina egitera, zer eskatuko dute gurasoek?, dohako taxi zerbitzua?).

Kontzertuak eta bestelako debekuen bidea biderik errazena eta merkeena da. Hori bai, gero laguntza eskatuko dugu hemen eta han herrian ekimenak antolatzeko. Tabernariengana joango gara lagundu gaitzaten herriko ekimen, kirol talde eta ekitaldietan. Ta ondoren egurra emango diegu denak zaku berean sartuta gainera.

Bestalde, tabernariek ere badute ardura handi bat. Sortu nahi duten giroaren araberako ahaleginak egingo dituzte eta atera nahi dituzten etekinekin lotuta egongo dira ahaleginok seguru (falta zena aizue!). Jartzen duten musika eta antolatzen dituzten kontzertu eta ekimenez bultzatuko dute giro bat edo bestea (Garai batean Benito entzuten hasten zenean jakiten genuen taberna istera zijoala, gaueko 3ak pasa zirela eta gure kontu zela hortik aurrera. Apaldu ederra hartzen genuen. Giroa era batera edo bestera moldatu daitekeen seinale). Bestalde, iruditzen zait tabernariek beraiek oso ondo dakitela herrian horrelako giro nahasia egoteak haien kalterako besterik ez dela.

Ez da kasualitatea Azkoitian gertatzen dena inondik inora. Beste herrietan ere gertatu da, gertatzen da eta gertatuko da gure balore sistemak horrela jarraitzen duen bitartean. Bakoitzak bere arduratik hasita zuzenduko dira kontuak. Ondokoari eskatzea norberak ematen ez duena, ze izen du?

Erantzuna | #6

Azkoitiko guraso denok dakigu gure seme-alabak lokaletan hasten direla eraten eta gero joaten direla tabernetara. Ni ez nago batere gustora gure nerabeek tabernatan egiten dituzten gehiegikeriekin eta tabernarien permisibitatearekin, baina onartu behar dugu gure seme-alaben azken portuak direla tabernak. Lokalen erregulazioaren inguruan ez diot iñori ezer entzun, koma etilikoak lokaletan eta botelloietan gertatzen dira gainera. Beraz, ez zait ongi iruditzen tabernariekin deskargatzea gure hezkuntza ardura.

Erantzuna | #7

Arratsaldeon guztioi,

Lehenik eta behin esan nahi nuke 22 urte dauzkadala eta gaua oso gertutik bizi dudala, ia ostiral eta larunbatero irteten baitut eta nola ez pintxopoteetan ere bai. "Juergista" naiz bai eta ze demonio harro nago gainera. Guraso talde bat sinadura bilketan hasi zenean Azkoitian festa eta giro sanoaz amaitzeko harritu egin nintzen egia esan, ez nuen ulertzen nola egin zezaketen hori herriko gazteen aurka eta ustetan euren 15 urteko seme - alaben alde.

Egia da Azkoitiko gazteek, adin txikikoek, izugarrizko melokotoiak harrapatzen dituztela. Oso tristea da bai, baina are eta tristeagoa da zenbait guraso tabernei harrika jardutea. Taberna guztietan ez zaie gazteei alkohola zerbitzatzen, are gehiago esango nuke 2 tabernak soilik zerbitzatzen zietela, eta iraganean diot, gaur egun, egon den iskanbilarekin jada inon ez zaiela ateratzen. Hau honela, zer esan dezaket, ez naiz ari defendatzen tabernetan gazteei alkohola zerbitzatzea hori ez dago ondo eta zigorra merezi du dudarik gabe, baina udaletxetik aitzakia bezala erabili izan tabernarien aurkako mugimendu bat sortzeko.

Askok diozue hipokrita dela tabernarien jarrera "kaja egiteko herri alai eta bizi bat" aldarrikatzen dutelako. Hipokritago deritzot zuen jarrerari, guztiz bizkarra ematen diezuelako tabernarien egoerari, astebukaeran atera ohi dute diru apurra eta hortik bizi diren langileak dira, zerk ematen dizue eskumena "kaja" tartean sartzeko zuek ere aste osoa "kaja" egiteko lanean jarduten baduzue? Noski "kaja" egiteko egiten dutela hau, bizi beharko dute ba!

Azkenik oso polita da "nik ez dut sinatuko", "gazteei alkohola ateratzen die", ... eta horrelako gauzak esatea baina egiazki jarrera ambiguo bat besterik ez da. Udaletxeari joko zikina egiten ari zarete astebukaeretatik bizi eta lanpostuak sortzen dituen ogibideari harriak botatzen eta kolektibo honi bizibidea kentzen. Metafora gisan esango dizuet guk 15 - 16 urte inguru genituenean tabernetan ez zizkigutela tragoak ateratzen, badakizue zer egiten genuen, eroski, dia, lidl,... edota beste nonbaitetik erosi. Zergatik ez duzue herriko multien kontra egiten? Udaletxeak zergatik ez ditu multiak zigortzen? Hipokresia norena? Litroak ez dira tabernetatik ateratzen.

Agur gisan, ez pentsa herritik martxa egingo dugunik gu gustora gabiltza eta herrian festa egin daitekeen bitartean hala jarraituko dugu, musika gabe, edota tabernak itxita egonda ere. Gazte gara gazte. Ah, eta ahaztu gabe zuen seme - alabak ere hor ibiliko dira etxetik ez badiezue irakasten. Agur bero bat.

Erantzuna | #8

Daitto-kin erabat ados, nire parranda zale earra izen naiz, suerte earra zuena herrixen bertan dakezuelako aukerie juerga ear bat botatzeko, guk kanpoa jun ber izete genun.

Baten bat akordatze al da hauteskundetan zenen programan azaltze zan oin udaletxie etten ari dana???
Ez al da izengo hau pnv-ek basuran asuntukin, laundu ta arpexe emateatik, bueltau ber dixon faorie???
Ba nik nere firmie emangot tabernaxen alde, eta gurasue naiz.

Erabiltzailearen aurpegia Erantzuna | #9

Urte asko daramat tabernikin eta diru asko bota dugu kontziertuk ipintzeko plazan gaztik hemen geratzeko. Orain berriz jende pixket etortzea, eta gu gea txarrak.
Adin txikikoak goizeko lauretan ibiltzen badira kalean bere gurasoen ardura izango dela pentsatzen dut.
Urtero 6000 eta 7000 euro bitartean botatzen jardun degu, bai gure interesagatik, baina ez gara asko aberastu.
Azpeitiko udalak 60000euro eman dizkio kultur taldiei (barne san agustin taldiei) eta guri segurue exigitzen kontziertutako. Eszenaixue montatzie garesti irtetzen omen du. Komun portatillek gure kontu. Makiña bat urtin Azpeitira joanda jendea, eta orain zer? Nahi dunak hemen dauke tabernie. Ia zenbaten ipintzen duen zuritue eta ze kaja eitten duen. Gora gu eta gure morukuk!!!!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa