Anaitasuna futbol taldeak bost partida jokatuko ditu datozen egunetan etxean. Emakumeen lehen taldeak Elorrioren aurka jokatuko du ostegunean, 10:30ean, Txerloian. Gizonen lehen taldeak, berriz, San Ignacio taldearen aurka jokatuko du egun berean, 18:00etan, Los Astronomos zelaian.
Talde bata zein bestea denboraldiko lehen garaipena eskuratzen ahaleginduko da; izan ere, Txema Añibarrok zuzentzen duen gizonen taldeak hiru berdinketa eta bi porrot izan ditu denboraldia abiatu zenetik, eta Mikel Barquerok zuzentzen duen emakumeen taldeak, berriz, puntu bat baino ez du lortu.
Lehen bi taldeek bezala, ostegunean jokatuko dituzte partidak harrobiko beste zenbait talde ere; izan ere, jai eguna dela eta, datorren jardunaldiko neurketa batzuk asteburutik ostegunera aurreratu dituzte. Hona hemen aste honetan San Juan zelaian jokatuko diren partiden zerrenda:
Osteguna
- 17:30ean, Gorengoak - Zumaiako
Zapatua
- 10:00etan, Infantil neskak F-8- Goierri Gorri
- 11:45ean, Infantil neskak F-11 - Elgoibar
- 16:30ean, Gorengoen jubenilak - Intxurre
Hona hemen partida guztien ordutegien zerrenda:
Azken emaitzak
Anaitasunak hamabi partida jokatu zituen joan den astean, eta guztira, zazpi garaipen, bi berdinketa eta hiru porrot izan zituen. Hona hemen lehen taldeen nahiz harrobiko taldeen emaitzak:
